Bo tin plan pa bay studia otro aña na Hulanda? Registra bo mes pa un di e encuentronan di informacion di Dienst Uitvoering Onderwijs (DUO) pa bo tende tur loke bo mester sa tocante financiamento di estudio.
Contenido di e encuentro di informacion
Den e encuentro di informacion bo lo haya tur informacion tocante financiamento di estudio na Hulanda, manera entre otro:
- Di kico e financiamento di estudio ta consisti
- Con bo por pidi financiamento di estudio
- Kico bo mester regla pa por biaha gratis cu e producto di biahe pa studiante
- Con bo por regla bo asuntonan online den Mijn DUO
- Con ta para cu pagamento bek di bo debe di estudio
Naturalmente lo tin espacio tambe pa haci pregunta.
E encuentronan ta tuma luga entre 1 di november y 10 di december 2021 na Aruba, Boneiro y Corsou.
Webinar
Bo no por ta presente na un di e encuentronan? Registra bo mes e ora ey pa e webinar gratis ‘Studiefinanciering aanvragen vanuit het Caribisch gebied’ (Pidi financiamento di estudio for di e area Caribense: Con e ta funciona?). Bo por wak e webinar cu subtitulo na Ingles of Papiamento.
Combersacion personal
Si na final bo tin pregunta ainda of bo kier un combersacion personal cu un colaborador, bo lo por pasa na e oficina di servicio temporal di DUO.
Mas informacion
Pa mas informacion di entre otro e fechanan exacto di cada encuentro y pa registracion:
Bo tin cu cuminsa paga bo debe di estudio bek dentro di poco? Of bo ta pagando bek caba, pero bo kier sa mas tocante e posibilidadnan? Registra bo mes pa un di e encuentronan di informacion di Dienst Uitvoering Onderwijs (DUO) tocante pagamento bek; ‘Terugbetalen vanuit het Caribisch gebied’.
Contenido di e encuentro di informacion
Den e encuentro di informacion aki bo lo haya mas informacion tocante entre otro:
- E suma mensual y con largo bo ta paga bek
- Kico bo por haci si bo suma mensual ta mucho halto
- Con pagamento bek local ta funciona
- Stop e pago temporalmente si un temporada bo no por paga bek
Naturalmente lo tin espacio tambe pa haci pregunta.
E encuentronan ‘Terugbetalen vanuit het Caribisch gebied’ ta tuma luga entre 1 di november y 10 di december na Aruba.
Webinar
Bo no por ta presente na un di e encuentronan? Registra bo mes e ora ey pa e webinar gratis ‘Terugbetalen vanuit het Caribisch gebied: hoe werkt het?’ (Pagamento bek for di e area Caribense: con e ta funciona?).
Combersacion personal
Si despues ainda bo tin pregunta of bo ta desea un combersacion personal cu un colaborador, bo lo por pasa na un di e oficinanan di servicio temporal di DUO.
Mas informacion
Pa mas informacion di entre otro e fechanan exacto di cada encuentro y pa registracion:
