DUO cu sesion informativo na Aruba
Bo ta bay studia na Hulanda proximo aña escolar? Ta importante pa bo regla algun cos bon. Pa yuda bo, Dienst Uitvoering Onderwijs (DUO) ta organisa sesion informativo dianan 15 y 16 di april pa 7or di anochi na Aruba.
Contenido di encuentro
Durante e sesion lo bo tende kico tur bo mester regla pa bo financiamento di estudio na Hulanda. Tambe nos ta splica bo con y pakico bo ta haya un burgerservicenummer (BSN) y kico bo por haci cu ne. Ademas, lo bo haya algun conseho util. Por ehempel, pa pidi un DigiD y un seguro di cuido. Naturalmente, durante e sesion bo por haci pregunta.
Oficina di servicio temporario
Si bo tin mas pregunta despues of mester di yudansa pa yena formulario, por bishita e Oficina di servicio temporario di DUO entre 15 te cu 26 di april na Aruba. Bo no mester haci cita. Sinembargo, bo mester trece bo paspoort, cedula of rijbewijs valido si.
Mas informacion
Pa mas informacion y pa registra bishita:
Info / Contact
- DUO website: duo.nl/antillen
- DUO facebook page DUO Studiefinanciering voor hbo & universiteit
- DUO facebook page: DUO studieschuld terugbetalen Antillen @studieschuldantillen
