Search Facebook Instagram Twitter

Deadline pa registra pa un Arubalening Account

April 21, 2020

Pa motibo di e situacion di crisis ocasiona pa e coronavirus (COVID-19) e diferente deadlines pa aplica pa un Arubalening a keda posponi. E deadline pa registra pa un Arubalening Account pa studia entrante augustus 2020 lo ta dia 28 di april proximo. Tur registracion cu drenta despues di dia 28 di april lo keda automaticamente pa e di dos ronde pa aña 2020-2021.

Ta pidi studiantenan cu kier bin na remarca pa un Arubalening entrante augustus 2020 pa tuma bon nota di e procesonan adapta. Lesa tambe:


Arubalening Portal

Aplicacion pa un Arubalening desde aña 2017 ta bay via di e Arubalening Portal. Primeramente e studiante mester registra pa un Arubalening Account. Cu su Arubalening Account e studiante por login den e Arubalening Portal pa asina cuminsa cu su proceso di aplicacion.

Importante: E studiante mester percura pa aplica cu un email adres valido cual lo wordo uza pa manda notificacion y informacion importante pa e studiante. Tambe ta rekeri di e studiante cu e ta log in regularmente den su Arubalening Portal pa verifica e status di su aplicacion.


Link pa Arubalening Portal

Riba e pagina [Arubalening Portal] por haya tur informacion di henter e proceso di aplicacion como tambe e links pa registra y/of login den e portal. Si ta haci uzo di e “top menu” di nos website, please tuma bon nota di e link corecto pa e Arubalening Portal:


Keda up-to-date

Ta sugeri pa studiantenan acudi regularmente na nos website ea.aw como tambe sigui nos via social media (facebook, twitter, instagram) @educationaruba.


Info
Contact
Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets