Con pa comunica cu DEA
Conforme e desicionnan di Gobierno di Aruba en conexion cu e corona-crisis (COVID-19) e oficinanan di Departamento di Enseñansa Aruba (DEA) ta cera pa publico te cu proximo aviso.
DEA recientemente a cuminsa cu e trabounan di mudamento pa e compleho John F. Kennedy Education Center na Stadionweg 37. Sinembargo e situacion di crisis a tranca e proceso y pa e motibo aki e departamento no ta “up and running” ainda for di e localidad nobo. E fecha riba cual lo por cuminsa atende publico for di e localidad nobo ta depende di e desaroyonan en conexion cu e corona-crisis y e desicionnan di Gobierno di Aruba al respecto.
Mientrastanto nos ta sigui traha tras di cortina. Durante e periodo cu e oficinanan di Departamento di Enseñansa ta cera, por acudi na nos website como tambe na nos facebook page @EducationAruba pa tur informacion relaciona cu Enseñansa na Aruba. Esaki ta inclui informacion oficial relevante pa e sector di Enseñansa durante e coronacrisis: ea.aw/coronavirus
Si tin cualkier pregunta por comunica cu DEA door di manda un email na info@ea.aw. Pa preguntanan relaciona cu Arubalening mester manda un email na arubalening@ea.aw. Pa preguntanan relaciona cu Landsexamen mester manda un email na landsexamen@ea.aw.
Den tur caso lo haci maximo esfuerso pa atende cu e preguntanan mas pronto cu ta posibel.
Coronavirus
Riba nos website ea.aw nos a compila informacion relaciona cu coronavirus “COVID-19” cu ta relevante y importante pa e sector di Enseñansa na Aruba. Por haya informacion oficial di Gobierno di Aruba, material di informacion di diferente instancia manera DVG, SVB y Medwork, como tambe video y material di guia cu por uza pa splica un mucha di e crisis di coronavirus:
Info / Contact
Departamento di Enseñansa Aruba (DEA)
Scroll To Top
