Con pa comunica cu DEA

June 4, 2020

Na luna di maart e diferente departamentonan encarga cu enseñansa na Aruba, incluyendo Departamento di Enseñansa Aruba (DEA) a cuminsa muda pa e compleho John F. Kennedy Education Center.

E situacion di crisis sinembargo a causa un retraso den esaki. Pa e motibo aki DEA ta informa cu su oficinanan ta sigui cera pa publico te cu proximo aviso.

Durante e temporada aki por comunica cu DEA via email. Pa informacion of preguntanan general por manda un email na info@ea.aw. Pa preguntanan relaciona cu Arubalening mester manda un email na arubalening@ea.aw y pa preguntanan relaciona cu Landsexamen mester manda un email na landsexamen@ea.aw. Den tur caso lo haci maximo esfuerso pa atende cu e preguntanan mas pronto cu ta posibel.

Pa informacion relaciona cu Enseñansa na Aruba por acudi tambe na nos website [ea.aw] y por sigui nos via facebook y instagram @EducationAruba.

Departamento di Enseñansa ta spera di por reanuda servicio for di su localidad nobo pronto.