Search Facebook Instagram Twitter

Comision pa trata reto cu “werksters” di SKOA

October 15, 2021

Dia 8 di october 2021, Minister Croes a traves di Conseho di Minister a yega na un Ministerraad Besluit (MB) pa forma un comision pa atende cu e reto aki. E peticion na e comisiona ta pa den 30 dia nan presenta un conseho y solucion concreto.



E comision lo consisti di representantenan diferente departamento, entre otro Departamento di Finansas, Departamento di Recurso Humano (DRH), Directie Wetgeving en Juridische Zaken (DWJZ), Centrale Accountantsdienst Aruba (CAD) y Stichting Katholiek Onderwijs Aruba (SKOA). Di e Ministerio encarga cu enseñansa ta apunta dos persona: un register accountant y un hurista. Di e forma aki por tin un bon ‘draagvlak’ pa atende cu e tema.

E dos puntonan di interes segun Minister Croes ta: (1) con lo mester sigui paga e werkster nan y (2) claridad riba e suma di mas o menos 5 miyon florin mensual cu e stichting no a ricibi mas di financiën, cu tabata paga e primanan na belastingkantoor.

E mandatario ta desea pa den trinta (30) dia ricibi e recomendacionnan final pa por soluciona e problema aki na un manera structural y sostenibel bayendo dilanti.


Info / Contact

Pa mas informacion por busca den e alfabet menu riba e pagina principal:

Pa informacion di contacto:

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets