Coastal Carolina University
Diamars dia 19 di januari proximo Ministerio di Enseñansa conhuntamente cu representantenan di Coastal Carolina University (SC, USA), lo tene un anochi di informacion den e Collegezaal di Colegio EPI.
 |
Minister di Ensenansa Michelle Hooyboer-Winklaar na nomber di Gobierno di Aruba, a formalisa diferente acuerdo na Merca y Canada.
Coastal Carolina University (CCU) ta e di dos universidad na e estado di South Carolina, banda di University of South Carolina (USC), cu a reconoce formalmente e state-to-state agreement cu a keda formalisa entre Aruba y e estado di South Carolina.
 |
Cu esaki Coastal Carolina University ta ofrece e in-state tuition fee na tur studiante di Aruba cu ta encera un rebaho substancial ariba gastonan di estudio compara cu e tarifa pa studiantenan internacional.
Coastal Carolina University ta un universidad bon reconoci na Merca y ta e di tres universidad mas grandi di e estado di South Carolina.
E areglo particular aki cu e estado di South Carolina y Coastal Carolina University ta un beneficio hopi grandi pa nos studiantenan y ta haci studia na Merca un opcion mas accesibel y atractivo pa studiantenan di Aruba.
Siguientemente Ministerio di Enseñansa conhuntamente cu representantenan di Coastal Carolina University lo tene un anochi di informacion pa tur studiante cu tin e interes pa studia na e universidad aki na Merca na estado di South Carolina.
Durante di e anochi aki lo duna informacion general riba studia na Coastal Carolina University (CCU) y lo enfoca e diferente programanan di estudio cu e universidad tin pa ofrece. E anochi aki lo conta cu presencia di sr. Kenley Jones, kende ta e associate director di international recruitment & admissions cu lo por contesta tur pregunta riba e parti di admission, programanan di estudio y tambe facilidadnan cu CCU ta ofrece.
|
Website: Coastal Carolina University
Tur interesado y particularmente tur studiante cu ta interesa pa bay studia na Coastal Carolina University ta keda cordialmente invita pa e anochi di informacion.
E anochi di informacion lo tuma luga diamars dia 19 di januari cuminsando pa 7or di anochi den e Collegezaal di Colegio EPI (edificio color cora kima na entrada principal).
Info / Contact
Pa mas informacion por busca den e alfabet menu riba homepage: [S] Studia na Merca of por tuma contacto cu DEA > afdeling Studiefaciliteiten.
Scroll To Top