“Burgerservicenummer” (BSN) pa studiantenan di Caribe
Entrante 1 di april 2024 studiantenan di Caribe cu ta bay studia na Hulanda ta haya un “burgerservicenummer” (BSN) automaticamente ora nan pidi financiamento di estudio di Hulanda.
E BSN ta necesario pa por regla diferente asunto importante na Hulanda. Awor cu e studiante por haya esaki cu su aplicacion pa financiamento di estudio, e studiante por cuminsa regla diferente asunto prome cu e biaha pa Hulanda.
Bo ta bay studia dentro di poco na Hulanda?
E ora ey ta importante pa prome cu salida y despues di yegada na Hulanda bo regla algun asunto pa bo inscripcion na Hulanda.
BSN ora di pidi financiamento di estudio
Bo ta pidi financiamento di estudio pa un estudio na Hulanda? Y bo tin nacionalidad Hulandes y bo no tin un “Burgerservicenummer” (BSN, Number di servicio civil) ainda? E ora ey bo ta ricibi un BSN ora bo pidi financiamento di estudio. Cu bo BSN bo por cuminsa regla asuntonan na Hulanda, hasta si bo no ta na Hulanda ainda.
Bo no ta pidi financiamento di estudio? E ora ey ta te ora bo ta na Hulanda bo por pidi BSN. Den e caso ey bo ta ricibi un BSN despues di inscripcion den e Registro Basico di Persona (BRP) di e municipio Hulandes caminda bo ta bay biba.
Ricibi bo BSN
Bo ta ricibi bo BSN cu post di “Rijksdienst voor Identiteitsgegevens” (RvIG). Pa motibo cu post pa e area di Caribe tin biaha por tarda hopi, bo por cuminsa pidi bo BSN telefonicamente tambe cerca “Dienst Uitvoering Onderwijs” DUO. Pa haci esey bo tin cu warda riba e e-mail di DUO cu e mensahe cu bo peticion pa financiamento di estudio ta procesa. Den e e-mail ey tin e number di telefon caminda bo por pidi bo BSN.
Pidi y activa DigiD
Cu bo BSN, bo por regla diferente asunto di gobierno. Entre otro bo por cuminsa pidi bo “DigiD”. DigiD ta e herment pa log in online pa regla asuntonan di gobierno. Bo mester di bo DigiD pa entre otro bo producto pa biaha di studiante y pa log in riba “Mijn DUO”. Mas informacion tocante peticion y activacion di bo DigiD bo ta haya riba e website di DigiD.
Mas informacion
Director di Gabinete di Minister Plenipotenciario di Aruba Joselin Croes ta elabora riba e decision cu studiantenan Arubiano cu kier bay studia na Hulanda, e aña aki ya caba por aplica pa nan BSN nummer na Aruba. Den e video aki señora Croes ta splica kico ta e rekesitonan pa bo por pidi bo BSN nummer na Aruba.
Informatieblad
Pa mas informacion tocante e BSN y tur loke e studiante mester regla pa por inscribi na Hulanda por haci uzo di e siguiente “informatiebladen”:
Info / Contact
Pa mas informacion relaciona cu studiamento na Hulanda por busca den e alfabet menu:
Por tuma contacto cu:
- DEA seccion Studiefaciliteiten (Arubalening)
- Kabinet van de Gevolmachtigde Minister van Aruba (Arubahuis)
