Search Facebook Instagram Twitter

Bureau Leerplicht ya a ricibi mas di 150 melding

February 4, 2013

Recientemente Minister di Enseñansa a anuncia cu Enseñansa Obligatorio (leerplicht) ta na vigor y funcionarionan di Bureau Leerplicht a ricibi mas di 150 aviso caba for di cuminsamento di e aña escolar 2012/2013, di augustus 2012 te cu fin di januari 2013.

E indole di mayoria di e asina yama meldingnan aki tabata avisonan di parti di cabesantenan di scol cu a ricibi peticion di mayornan pa nan yiu biaha pa representa Aruba den exterior of pa e yiu por biaha pa cuido medico. Tin algun peticion tambe cu a wordo haci pa e hoben keda ausente pa motibo di vakantie. Esaki e funcionarionan di Bureau LeerplichtJulisa Tromp y Gwendolyn Kastablank-Tromp a splica.

E peticionnan pa aproba ausencia di e mucha mester wordo haci na e cabesante di scol y no na Bureau Leerplicht. E cabesante di scol tin tur formulario necesario pa completa e peticion.

Bureau Leerplicht tin 5 leerplicht ambtenaar den servicio, un coordinador, 2 persona encarga cu administracion y un trahado social. E oficina ta encarga cu e implementacion y introduccion di Enseñansa Obligatorio den fase. Na 2012 e oficina a ricibi 128 melding y na januari 2013 so nan a ricibi casi 30 melding.

Tin diferente proceso andando pa cu implementacion di e ley aki. Mayoria scol a wordo bishita caba y hasta tin algun cu a ricibi un di dos bishita, segun Kastablank-Tromp. Loke a resalta ta cu e “ziekteverzium”, pues ausencia pa motibo di malesa ta hopi halto na Aruba, e funcionario a observa. Tin un protocol cu ta den implementacion y cada scol lo informa mayornan tocante e reglanan cu mester sigui pa loke ta trata yamamento di scol ora cu e yiu ta malo, etc.

 


Info / Contact

Pa mas informacion busca [E] Enseñansa obligatorio of [L] Leerplicht den e alfabet menu riba homepage, of tuma contacto cu Bureau Leerplicht.

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets