Arubalening Portal
Minister di Enseñansa y Departamento di Enseñansa ta anuncia inovacion den Enseñansa: Arubalening Portal ta digitalisa servicio di Arubalening.
 |
Den cuadro di mehoracion di servicio na studiante den e proceso di preparacion y aplicacion pa un prestamo pa financiamento di estudio, Minister di Enseñansa Michelle Hooyboer-Winklaar, hunto cu Departamento di Enseñansa Aruba ta introduci un [Arubalening Portal]. E [Arubalening Portal] lo sirbi como un “tool” pa medio di cua studiantenan por haya acceso 24/7 na e “front office” di seccion Studiefaciliteiten, e seccion cu ta encarga cu administracion y servicio di Arubalening. |
 |
Arubalening
Gobierno di Aruba ta brinda un prestamo pa financia estudio (Arubalening) na studiante pa asina facilita nan den gastonan di estudio pa nan por logra obtene un educacion di calidad.
Na studiantenan cu kier haci un estudio na nivel di middelbaar beroepsonderwijs of hogeronderwijs na Aruba ta brinda e productonan Arubalening EPI, UA, IPA y Master. Na studiantenan cu kier haci un estudio den exterior ta brinda Arubalening Andere Landen (AL), USA/CAN, Nederland (NL) y Master.
Desde aña 2015 ta trahando na optimalisa e proceduranan pa dicho prestamo y a bin ta introduci asina diferente cambio pa locual ta trata Arubalening. Entre otro a introduci e componentenan “Startpakket” pa facilita gastonan inicial di estudio y “Termijnuitbetaling” cu ta pa facilita den e gastonan durante e trayectorio di estudio.
Mas recien, na 2016, a dedica mas atencion na henter e proceso di aplicacion. E focus tabata pa simplifica e proceso y ofrece e studiante un miho servicio cu na mes momento mester conduci tambe na mas eficiencia dentro di e seccion encarga cu e administracion.
Fondonan disponibel a traves di “Stimuleringsfonds” y maneha pa FDA a haci posibel pa cuminsa cu un proyecto pa implementa un “Student Portal” cu lo ta accesibel pa e studiante 24 ora pa dia, 7 dia pa siman.
E compania AFAS B.V. a keda encarga cu desaroyo y implementacion di e aplicacion aki.
Dia prome di februari Minister Hooyboer-Winklaar a lansa e [Arubalening Portal].
 |
Procedura di Aplicacion
Desde dia 1 di februari 2017 studiantenan por cuminsa cu e proceso di aplicacion pa Arubalening a traves di e [Arubalening Portal].
E portal y tur informacion necesario ta accesibel via e website di Departamento di Enseñansa Aruba – ea.aw.
E prome paso cu e studiante cu ta desea di bin na remarca pa un Arubalening mester tuma ta pa registra, pues crea un [Arubalening Account].
Cu e [Arubalening Account] e studiante por log in den e [Arubalening Portal] caminda e por haci su peticion pa un prestamo pa financiamento di estudio (Arubalening) pa studia sea na Aruba of den exterior.
 |
Info / Contact
Ta sugeri pa studiantenan acudi regularmente na nos website [ea.aw] como tambe sigui Departamento di Enseñansa via facebook na @educationaruba.
Pa mas informacion por busca [A] Arubalening Portal den e alfabet menu riba homepage of por tuma contacto cu DEA > seccion Studiafaciliteiten
Scroll To Top
