Search Facebook Instagram Twitter

Arubahuis a ricibi y facilita SKOA

April 11, 2018

Den Haag – Pa algun aña caba Arubahuis ta ricibi y facilita Stichting Katholiek Onderwijs Aruba (SKOA) durante nan proceso di recluta maestronan na Hulanda. Ta trata aki di ambos maestronan Hulandes como esnan local cu a caba di studia y ta scoge pa bay Aruba bek pa reinforsa nos enseñansa.


Potret cortesia di Arubahuis


E proceso completo di solicitud na Hulanda ta tuma luga na Arubahuis y e proceso ta wordo clausura cu un anochi di informacion pa e grupo cu lo bay labora na Aruba.

Na inicio di e anochi Minister Plenipotenciario Besaril a yama e grupo bonboni y a accentua e importancia y balor di nan trabou pa enseñansa na nos pais.

Sra Cavril Martijn-Rombley, hoofd personeelszaken di SKOA a duna un presentacion amplio cu informacion di e organisacion, informacion di nos enseñansa como tambe riba e puntonan di atencion ora ta trata biba y traha na Aruba. E presentacion a wordo clausura cu algun palabra di e directora di SKOA sra. Josette Daal.

Na final di anochi e docentenan por a intercambia informacion y comparti experencia cu otro. Minister Plenipotenciario Besaril a menciona di ta contento di por facilita nos directivanan di scol di Aruba den e trabou importante cu nan tin pa educa nos hobennan y ta enfantisa cu Arubahuis tey semper pa facilita y duna sosten.


Info / Contact

Pa mas informacion por tuma contacto cu Arubahuis of SKOA.

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets