Arte: Transformacion y Inclusion den nos Comunidad

May 30, 2022

Recientemente Fundacion Muchila Creativo a organisa un siman di conscientisacion cu enfoke riba e tema “Arte: Transformacion y Inclusion den nos Comunidad”.

E meta tabata pa conscientisa comunidad con arte por transforma bida di cada un di nos.

En conexion cu e siman di conscientisacion Minister di Enseñansa y Deporte, Endy Croes, a bishita e expo y feria cu a tuma luga na Centro di bario Dakota. Instancianan manera Funadacion Autismo, Funari, Favi y Fepo tabata presente pa brinda informacion.

Durante e expo y feria tabatin diferente tayer di terapia y di arte unda e mandatario di enseñansa a participa activamente. Minister Croes a gosa di por a participa hunto cu nos muchanan e atardi aki na Centro di Bario Dakota. Cu e evento kier a ilustra con arte ta influencia nos den un forma positivo. Arte tin e habilidad pa transforma, ilumina, educa, inspira y motiva.

Na final di e expo y feria tabatin un bunita presentacion di Eltienne Yarzagaray. Director, sra. Rose-Marie Provance ta gradici tur cu a bishita y sostene Muchila Creativo.

Minister Croes ta felicita e docentenan cu ta traha cu hopi amor y pasion pa duna nos muchanan special les. Alabes e minister ta felicita e hobennan pa e bunita feria y expo y ta gradici tur e mayornan cu ta duna tur sosten na nan yiunan tur dia. Danki na un y tur cu a yuda haci e evento aki un realidad.