Search Facebook Instagram Twitter

Art Talk

March 4, 2020

Cas di Cultura Aruba ta organisa “Art Talk”, un iniciativa pa engrandece e conocemento riba tereno di arte en general, riba e proceso creativo y e oportunidad di uzo di fondonan disponibel pa Aruba.

Den e cuadro di “Art Talk” lo tene discusion entre publico, artistanan local y e fundacionnan na Aruba cu ta pone fondo disponibel pa desaroyo di arte y cultura na Aruba. Tambe lo presenta un serie di exposicion di obranan di arte. E prome evento lo tuma luga diahuebs dia 5 di maart 2020 den e sala grandi di Cas di Cultura.


Mario Gonsalves ta join Art Talk cu e pelicula “Patroon”

Mario Gonsalves, regisor di e pelicula “Patroon”, lo uni su mes na e prome evento di “Art Talk”. Gonsalves ta un “film director” hoben di Aruba cu ta traha mundialmente riba produccionnan pa artistanan renombra, en total su publicacionnan a colecta mas di 100 miyon bista riba su trabou.

Na 2019 Gonsalves tabata e prome studiante Arubiano cu a finalisa su estudio na Hogeschool voor de Kunsten Utrecht (HKU), Hulanda cu e premio pa e mihor “afstuudeer project”. Esaki tabata e producion di su short film “Patroon” di 16 minuut.

Riba e proyecto aki Gonsalves a traha hunto cu Valentino Angela, tambe di Aruba y e artista principal ta Aldair Pieters, un hoben procedente di Corsou cu a studia teatro na Hogeschool voor de Kunsten na Amsterdam. Tur tres hoben profesional lo ta hunto na Cas di Cultura pa presenta nan obra “Patroon” durante “Art Talk”.



E intencion ta pa intercambia di idea cu e publico presente riba e forma creativo di traha riba un tema unda e ‘hende ta centraal’. Di e forma aki ta purba stimula mas artista di Aruba pa nan concentra mas riba nan mesun medio ambiente ora di produci un obra di arte. Di e manera aki nan lo por yuda construi un comunidad positivo y sostenibel.

Na e evento aki diferente artista lo discuti varios tema, entre otro riba e proceso con pa ricibi fondonan pa proyectonan creativo y di arte.

E otro panelistanan pa e anochi aki ta: Rebecca Roos, Nelson Gonzales, Amy Lasten, Carlos Bislip y Ana Maria Hernandez. Tambe lo participa representantenan di Prins Bernard Cultuurfonds Caribisch Gebied, Unoca y Aruba EU Desk.

Cas di Cultura hunto cu Ministerio di Cultura, Ministerio di Turismo, ATA, Departamento di Cultura Aruba, Departamento di Enseñansa Aruba y Colegio EPI ta invita tur esnan cu kier forma parti di e dialogo di e mundo di arte, pa ta presente e anochi aki: diahuebs dia5 di maart for di 6 or di atardi te cu 9 or di anochi. Entrada ta gratis.


Info / Contact

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets