Aplicacion pa Arubalening
Studiantenan cu kier bin na remarca pa un Arubalening entrante augustus 2020, tuma bon nota di e proceso di aplicacion, como tambe e diferente deadlines.
Land Aruba ta brinda studiantenan cu kier sigui cu nan estudio na Aruba of den exterior un prestamo pa studia: “Arubalening”. Intencion di e Arubalening ta pa yuda un studiante cu su gastonan di estudio. E productonan di Arubalening ta consisti di dos componente: un “Startpakket” pa facilita gastonan inicial di estudio y “Termijnuitbetalingen” pa facilita gastonan durante e trayecto di estudio.
Un studiante di Aruba por aplica pa un Arubalening pa studia na Colegio EPI, Instituto Pedagogico Arubano (IPA) of Universidad di Aruba (UA) na Aruba of por aplica pa un Arubalening pa studia na Hulanda, Merca, Canada of otro pais.
Arubalening Portal
Aplicacion pa un Arubalening desde aña 2017 ta bay via di e Arubalening Portal. Primeramente e studiante mester registra pa un Arubalening Account. Cu su Arubalening Account e studiante por login den e Arubalening Portal pa asina cuminsa cu su proceso di aplicacion.
Importante: E studiante mester percura pa aplica cu un email adres valido cual lo wordo uza pa manda notificacion y informacion importante pa e studiante. Tambe ta rekeri di e studiante cu e ta log in regularmente den su Arubalening Portal pa verifica e status di su aplicacion.
Proceso di aplicacion
E proceso di aplicacion pa un Arubalening ta consisti di diferente parti durante cual mester haci entrega di diferente documento di prueba. Henter e proceso di aplicacion inlcuyendo e periodo di evaluacion di e aplicacion ta aproximadamente 3 luna. Por haya mas informacion di henter e proceso di aplicacion y e documentonan necesario aki:
Deadlines
Por haya informacion di e deadlines pa bin na remarca pa un Arubalening entrante augustus 2020 of januari 2021 aki:
Link pa Arubalening Portal
Riba e pagina [Arubalening Portal] por haya tur informacion di henter e proceso di aplicacion como tambe e links pa registra y/of login den e portal. Si ta haci uzo di e “top menu” di nos website, please tuma bon nota di e link corecto pa e Arubalening Portal:
- Arubalening Portal ta pa e studiante.
- LOGIN ta solamente pa personal di DEA.
Keda up-to-date
Ta sugeri pa studiantenan acudi regularmente na nos website ea.aw como tambe sigui nos via social media (facebook, twitter, instagram) @educationaruba.
Info / Contact
Pa preguntanan relaciona cu Arubalening: arubalening@ea.aw of 528 3400.
Pa mas informacion por busca [A] Arubalening den e alfabet menu riba homepage of por tuma contacto cu DEA seccion Studiafaciliteiten.
Scroll To Top
