Search Facebook Instagram Twitter

Algun dia mas pa inscribi pa 21+ Toets na IPA

October 21, 2020

Inscripcion pa 21+ Toets di Instituto Pedagogico Arubano (IPA) ta cera dia 12 di november 2020.



21+ Toets

Bo kier haci e estudio pa Maestro di Enseñansa Primario y no tin diploma sea di havo, vwo of mbo nivel 4 pero bo tin minimo 21 aña? Ata bo chens! Tur persona cu tin desde 1 di september 2021 minimo 21 aña y cu kier haci un estudio na IPA pero no tin e diploma cu IPA ta exigi, ta bin na remarke pa haci e asina yama 21+ Toets.

E 21+ Toets ta midi si un persona tin e nivel di havo cu ta necesario pa por studia na IPA. Tene na cuenta cu e 21+ Toets ta conta solamente pa e estudio inicial cu IPA ta ofrece durante aña academico 2021-2022, esta e estudio pa Maestro di Enseñansa Primario.

E 21+ Toets ta consisti di 3 materia entre otro; Hulandes, Matematica y Hende y Comunidad.

E test di Hulandes y Matematica lo tuma luga dia 28 di november y Hende y Comunidad dia 5 di december 2020. Si bo pasa e testnan aki cu exito, bo ta bin na remarca pa participa na un trayecto di preparacion pa e test di admision.

Pa informacion general di e 21+ Toets bishita e website ipaaruba.com y bay na ‘aanmelden’. Akinan lo bo haya diferente video cu ta contene informacion di 21+ Toets. Ta sumamente importante pa bo mira tur e videonan p’asina bo tin e informacion completo y ta bon informa. Alabes pa bo tin suficiente tempo pa por prepara debidamente y asina engrandece bo chens pa pasa e 21+ Toets cu exito.


Inscripcion

Tur persona cu ta interesa pa haci e 21+ Toets por inscribi online via e website di IPA ipaaruba.com. Pa por inscribi mester cumpli cu e pago di AWG 80,- y pone como anexo un copia di e comprobante di pago den e formulario digital di inscripcion.

E ultimo fecha pa inscribi pa e 21+ Toets ta, diahuebs, dia 12 di november 2020. Despues di e fecha aki no por inscribi mas pa por participa na e 21+ Toets pa aña academico 2021-2022.

Pa mas informacion por bishita nos website ipaaruba.com of pagina di facebook ‘Instituto Pedagogico Arubano’ of por tuma contacto cu Studenten Services na 5243100.


Info / Contact

Pa mas informacion por tuma contacto cu Instituto Pedagogico Arubano (IPA)

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets