Search Facebook Instagram Twitter

800 alumno hayando les cu e proyecto E-Learning

May 27, 2021

Gobierno di Aruba a traves di FUTURA ta yuda diferente scol pa haya borchi digital den cuadro di e proyecto e-Learning. St. Franciscus College a bira e di cuater (4) scol pa ricibi borchinan digital di e proyecto aki.

E proyecto aki a inicia na 2019 caminda Scol Cacique Macuarima tabata e prome scol pa haya borchi digital. Despues a sigui Cacique Aterima, Colegio Pastoor Kraanwinkel y awo ta toca turno na St. Franciscus College. Si conta tur e scolnan hunto ta trata di 800 alumno cu ta haya les cu e proyecto E-Learning.

Ademas cu tur klas ta ricibi e borchinan digital, tur docente ta haya laptop Chrome pa por prepara pa e lesnan.

Prome Minister (sra. Wever-Croes) a haci un bishita na e scol, caminda el a splica cu parti di e proyecto tambe ta pa yuda e docentenan den con pa traha cu e borchinan. Teniendo na cuenta cu e ta un cambio grandi den e forma di duna les y ta importante pa docentenan por sa kico tur por haci cu e borchinan pa e muchanan por probecha di esaki.

Directora di SKOA (sra. Baly) a expresa di ta sumamente contento cu un otro scol a ricibi borchi digital. “St. Franciscus College ta di 4 scol di SKOA cu ta ricibi e oportunidad pa forma parti di e proyecto di Futura. Como directora ta aplaudi esaki pasobra un di e metanan ta pa yega na duna les digital na tur e scolnan. Ta consciente cu e ta tuma tempo pero poco poco ta yega na esaki”.

Cabesante di e scol (sra. Kirindongo) tambe a keda sumamente contento y ta gradici tur cu a haci posibel pa e soño y vision di e scol bira realidad.



Fuente:


Info / Contact

Pa mas informacion por busca den e alfabet menu riba nos pagina principal:

Por tuma contacto cu:

Scroll To Top
  • © 2011-2022 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets