Vakantieroosters y ATV-dagen

March 14, 2018

E vakantierooster pa scol ta wordo formula cu e mucha den mente. Entre e liñanan di guia pa formula e rooster tin stipula cu e mucha tin derecho riba 60 dia di vakantie pa aña.



Vakantieroosters y ATV-dagen Onderwijspersoneel

E procedura pa yega na un vakantierooster pa scol ta como lo siguiente. Departamento di Enseñansa Aruba (DEA) ta e instancia responsabel pa traha e concept vakantierooster y stipula e ATV-dagen pa “Onderwijspersoneel”. Dienst Inspectie van het Onderwijs, Directivanan di Scol y SIMAR ta haya esaki pa duna nan input. Finalmente e proposicion ta bay pa Minister di Enseñansa di Aruba pa aprobacion.

Na momento cu tin e aprobacion oficial di minister, e vakantierooster ta keda publica y ta comunica esaki na tur e actornan envolvi como tambe na Departamento Recurso Humano (DRH) y instancianan manera SMAC, cu e peticion pa tene cuenta cu e rooster di scol den nan respectivo planificacionnan.

Pa e mesun motibo di planificacion DEA ta trata na procesa cada vakantierooster mas trempan posibel.

Na aña 2015 a aproba y publica e vakantierooster pa aña escolar/academico 2017/2018 como tambe e ATV-dagen pa “Onderwijspersoneel” di añanan calendario 2017 y 2018.

Na aña 2017 a aproba y publica e vakantierooster pa aña escolar/academico 2018/2019 como tambe e ATV-dagen pa “Onderwijspersoneel” pa aña calendario 2019.

Actualmente ta procesando e vakantierooster pa aña escolar/academico 2019/2020 como tambe e ATV-dagen pa “Onderwijspersoneel” pa aña calendario 2020.


ATV-dagen Ambtenaren en Gelijkgestelden

E ATV-dagen pa “Ambtenaren en Gelijkgestelden” ta keda stipula pa Departamento Recurso Humano (DRH) y e proposicion ta bay Ministerraad pa aprobacion.

Recientemente a publica un version coregi di e ATV-regeling 2018:


Dia di Fiesta Oficial

E Dianan Oficial di Fiesta ta keda publica cada aña pa Departamento di Labor.

Na momento cu tin e aprobacion oficial esakinan tambe ta keda publica riba nos website.


Informacion / Contact

Pa mas informacion por busca [V] Vakantie di scol den e alfabet menu riba nos homepage.

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw