Search Facebook Instagram Twitter

UA open house 2020

March 9, 2020

Universidad di Aruba (UA) ta invita studiantenan di Colegio Arubano, International School of Aruba, avond HAVO/VWO, EPI y tur cu ta interesa pa inicia un estudio di enseñansa avansa na Aruba, pa asisti na e anochi di informacion diahuebs dia 26 di maart venidero.


Riba e dia aki lo duna informacion di e Facultad di Derecho (Faculteit der Rechtsgeleerdheid – FdR), Facultad Financiero Economico (Financieel Economische Faculteit – FEF), Facultad di Turismo y Maneho (Faculty of Hospitality and Tourism Management Studies – FHTMS) y Facultad di Arte y Ciencia (Faculty of Arts & Science – FAS) y SISSTEM cual ta nos programa cu a cuminsa na aña academico 2019.

Riba e dia aki tur studiante cu ta interesa pa studia na Universidad di Aruba, e proximo aña academico tin oportunidad tambe pa haya informacion general y lo tin oportunidad pa papia cu studiante y docente nan di e facultad nan.

Awor cu orguyo nos por bisa nos tin cuater facultad cu 11 programa y un aña di preparacion (Academic Foundation Year).

Nos programa relativamente nobo ta SISSTEM (Sustainable Island solutions through science, technology, Engineering and Mathematics).

E estudio aki lo ta den cooperacion cu KU Leuven (Belgica), University of the West Indies (Jamaica) y Oregon University (USA). Un isla cu tin un solucion sostenibel por medio di ciencia, tecnologia, engeneria y matematica lo incorpora polisa nan sostenibel riba un nivel academico. Asina por duna sosten na tur luga nan chikito y na mesun momento educa e sector laboral cu tin e capacidad y abilidad pa haci e polisa nan aki un realidad.



Nos ta brinda e graduadonan di scol secundario y otro interesado e oportunidad pa por aplica y asina sigui un estudio pa obtene un titulo na nivel di ‘Bachelor’ of ‘Master’. Orguyosamente nos tin un relacion estrecho y bon cu diferente Universidad/Hogeschool Hulandes, Universidad Mericano y cu otro universidad acredita den region.

Como studiante di Universida di Aruba no solamente bo por haci un programa di intercambio pero tambe bo por bay haci bo pasantia (stage) afo. Pa esaki tambe nos tin acuerdo cu Universidadnan di Hulanda y Merca pa yuda supervisa y guia nos studiante nan cu opta pa haci esaki.

Esaki ta un muestra di e crecemento di Universidad di Aruba den e ultimo añanan. E convenionan cu Universidad di Aruba ta cera cu universidad reconoci mundialmente ta na bienestar di tur nos studiantenan.


Libera bo potencial!

Universidad di Aruba kier a invita un y tur cu ta interesa pa pasa e mainta aki pa haya tur informacion necesario pa asina por haci un bon escogencia pa futuro.

Mayor cu tin yiu na scol secundario tambe ta bonbini pa haya sa mas tocante e estudio cu nan yiu ta desea di haci y asina por yud’e scoge e pakete adecuado na scol secundario. Cu un bon pakete esaki lo facilita e admision na un di e facultadnan mas lihe. E mainta aki lo tin hopi informacion valioso cu lo wordo duna y pesey mes ta importante pa atende e dia aki pa asina por tuma un decision corecto tocante bo futuro!

Studiante, staff y personal di Universidad di Aruba ta invita tur esnan cu ta interesa of no sa ainda kico nan kier studia pa join e open house diahuebs dia 26 di Maart 2020, di 6:30 di atardi pa 9:30 di anochi, pa asina haya tur informacion di kico tur bo por haci aki mes na Aruba!

Pa mas informashon por yama 526-2200 of manda un email na info@ua.aw. Tambe por bishita website [ua.aw] y/of e Facebook page of Instagram di UA.


Info / Contact

Pa mas informacion por busca [U] University of Aruba den e alfabet menu riba homepage of tuma contacto directo cu UA.

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets