The Future of Education

October 26, 2018

Den cuadro di desaroyo di e Plan Nacional pa Enseñansa: NOP 2030, Ministerio y Departamento di Enseñansa ta invita pueblo di Aruba pa asisiti na “The Future of Education” diasabra 27 di october na Plaza Padu.



Durante e actividad aki lo presenta entre otro un klas virtual caminda publico lo por experencia un forma nobo di siña, como tambe e Mobile Makerspace (bus di ciencia) lo ta presente.

“The Future of Education” lo conta cu un programa den cua hubentud lo haya oportunidad pa vocifera nan opinion y ideanan, como tambe pa presenta nan arte den forma di baile, canto y poesia. Alumnonan di EPB y EPI lo ta presente pa demostra nan arte culinario.

Lo presenta un “live digital poll” y lo lanza un encuesta pa duna comunidad completo e oportunidad pa duna nan input riba un vision pa enseñansa 2030.

Pa e muchanan lo tin Dino Jump, cotton candy y popcorn.

Meta di e Nationaal Onderwijsplan “NOP 2030” ta pa hunto cu tur stakeholder yega na un vision comun pa enseñansa na Aruba. Den e cuadro aki a organisa un Siman di Enseñansa pa informa, educa y dialoga riba enseñansa awo y den futuro. Durante diferente actividad profesionalnan den enseñansa lo dialoga tocante enseñansa. E topiconan ta trata calidad y innovacion den enseñansa. E actividadnan ta wordo organisa conhuntamente cu IPA, UA y EPI.

E Siman di Enseñansa ta un momento pa reflexiona riba tur e cosnan cu nos, alumno, studiante, docente, maestro, cabesante di scol, profesional den enseñansa ta haci bon y conhuntamente pensa con nos lo bay sigui traha na un enseñansa di calidad y cu ta prepara nos pa futuro.

E Siman di Enseñansa ta culmina dia 27 october cu un actividad pa comunidad completo.


“The Future of Education”
diasabra dia 27 di october – 6 or di atardi pa 10 or di anochi
na Plaza Padu


 

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw