Search Facebook Instagram Twitter

Summer School Scholarships

June 9, 2016

Recientemente Minister di Enseñansa Michelle Hooyboer-Winklaar a firma un acuerdo cu Minister di Enseñansa, Ciencia y Cultura di Hulanda cu meta pa stimula studiante na Aruba y region. E acuerdo ta pa un periodo di cinco aña, unda Aruba lo ricibi fondonan desde Hulanda pa stimula mas studiante pa estudionan na nivel di Enseñansa Superior na Aruba y den region.

Internacionalisacion di nos studiantenan ta un parti hopi importante y esencial pa su desaroyo y pa prepar’e miho posibel. E experiencia di participa na un summer program na un Universidad of Hoger Onderwijs den exterior seguramente lo ta uno positivo y un gran contribucion na e desaroyo personal di un studiante.

Pa haci’e posibel pa studiantenan di Universidad di Aruba por participa na un programa asina, Minister Hooyboer ta anuncia cu lo ofrece beca na 9 studiante pa por participa na un summer school program den exterior.

Varios Universidad y HBO ta ofrece programanan den “summer period” y cu a crece den popularidad den e ultimo añanan. Un total di 9 studiante lo ricibi un beca pa un suma di Afl. 4.500 pa studiante.

E studiantenan di Universidad di Aruba por aplica door di yena un formulario di aplicacion digital y mandando adhunto tambe un carta di motivacion y nan curiculo vitae (CV).

E deadline pa aplica ta dialuna dia 13 di juni 2016 pa fin di atardi na oficina di asuntonan internacional (Office of Student Affairs) di Universidad di Aruba.

Minister di Enseñansa ta desea pa studiantenan di Universidad di Aruba haci bon uzo di e oportunidad aki y aplica. Pa e aña escolar 2016-2017 lo tin mas oportunidad cu lo ser anuncia debidamente.

Studiantenan cu a aplica y ricibi beca di Erasmus Program no ta bin na remarca pa e beca aki.

 


Info | Contact

Pa mas informacion por busca den e alfabet menu riba homepage: [University of Aruba] of por tuma contacto cu: [University of Aruba].

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets