Studiantenan di UA cu expo riba problema social

May 27, 2016

Studiantenan di Universidad di Aruba (UA) den nan prome aña cu nan estudio di Social Work and Development lo host un exposicion fotografico unda lo mustra nan creatividad pero alabes ta haya un chance pa por advoca pa problemanan social cu no ta obvio pa tur hende y cu pa nan mester di mas atencion.

Esaki ta e prome biaha cu e studiantenan di Universidad di Aruba lo ta colaborando cu Atelier 89.

Segun un studiante, “Nos responsabilidad ta pa frame un problema social den e prome potret anto e solucion den e di dos”. Pa medio di fotografía, studiantenan lo bay pone luz riba problemanan social cu ta afecta nos comunidad den manera negativo. Por ehempel, violencia domestico, divorcio, ladronicia  y asina muchu mas.

E exposicion ta importante, paso e prome paso pa resolve un problema ta reconociendo cu e problema ta exsisti y na secundo luga door di revelacion di expertonan. No wak e exposicion aki como un evento ordinario, e meta ta pa trece conciencia na organisacionan y e comunidad en general. Paso ora tur hende ta consiente di e problema social hunto nos por hasi un cambio. Si cada un di nos contribui di un forma of otro pa mehora nos bida social nos lo por bay haci di  Aruba un one happy island di berdad.

P’esey Universidad di Aruba conhuntamente cu Ateliers ’89 ta invita pueblo di Aruba pa bin presencia e exposicion fotografico, unda tambe lo ta bay tin diferente otro artistanan local cu lo ta presentando nan arte.

E exposicion aki lo cuminsa for di diahuebs dia 2 Juni 2016 na Atelier 89 y lo keda te cu luna di Augustus den Ateliers ’89, pa asina tur hende por haya e oportunidad pa bin presenci’e. E apertura lo tuma luga pa 8or, entrada lo ta gratis.

Pa mas informacion por tuma contacto cu Nicole Hart docente Social work and Development via email na Nicole.Hart@ua.aw.

 


Info | Contact

Pa mas informacion por busca den e alfabet menu riba homepage: [University of Aruba] of por tuma contacto cu: [University of Aruba].

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw