Studiantenan di IPA ta presenta proyecto di finalisacion di estudio

May 24, 2019

Instituto Pedagogico Arubano (IPA) ta invita henter e comunidad di Aruba pa asisti na e presentacion di e proyectonan di finalisacion di estudio di e studiantenan di aña cuater.


Den cuadro di finalisacion di e estudio pa maestro e studiantenan di ultimo fase mester haci un investigacion tocante un tema cu tin di haber cu innovacion y desaroyo den enseñansa. Banda di e investigacion e studiante mester a desaroya material educativo relaciona cu e tema cu el a profundisa su mes den dje.

E investigacion y material desaroya ta pa nan tesina di finalisacion di estudio. Di e investigacion y material aki e studiante lo duna un presentacion cu ta forma parti di examen final. Den e presentacion e studiantenan ta presenta nan proyecto final na e docentenan di IPA, na famia y tambe na publico en general.

IPA ta invita tur interesado pa bin wak e presentacionnan unda nos studiantenan lo elabora riba e investigacion cu nan a realisa den practica. E presentacionnan lo tuma luga dialuna awo, dia 27 di mei 2019, na IPA (Isaac Wagemakerstraat 11, San Nicolas) y ta di 17:15 pa 18:30.

E temanan di investigacion cu e studiantenan lo presenta ta:

Orario 17:15 -17:45

Orario 18:00 – 18:30


Info / Contact

Pa mas informacion por busca [I] Instituto Pedagogico Arubano (IPA) den e alfabet menu riba homepage of por tuma contacto cu IPA

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw