Studiantenan den dialogo cu Minister Yrausquin

April 20, 2017

Den Haag – Minister Plenipotenciario Juan David Yrausquin ta teniendo diferente encuentro cu studiantenan di Aruba na Hulanda pa asina scucha di e studiantenan con por mehora servicio di Gabinete di Aruba na Hulanda (Arubahuis).

Potretnan cortesia di Gabinete di Aruba

 

Maastricht y Sittard

Un grupo grandi di studiante a bin na Dadawan restaurant na Maastricht pa topa y papia cu Minister Plenipotenciario Juan David Yrausquin. Tabata tin studiante di Maastricht y for di Sittard.

Mescos cu tabata e caso na e encuentronan anterior Minister Yrausquin a tuma tempo pa a pasa na cada mesa y a sinta papia y scucha loke e studiantenan tin di bisa riba nan bida como studiante. Hopi topico a keda trata di cual Minister Yrausquin lo bai pone nan den un plan di accion pa brinda mas sosten na nos studiantenan.

Na final e studiantenan a expresa nan satisfaccion riba e initiativa di e minister pa cu e anochi aki y tambe nan a gradici e mandatario pa e invitacion.

 

Leiden

E grupo di studiante cu ta studiande na Leiden a expresa di ta hopi agradecido na Minister Plenipotenciario Juan David Yrausquin pa scucha loke nan ta pasando den dje como studiante Arubiano na Hulanda. Studiantenan cu ta studia na Leiden, pero ta biba na Den Haag of na Rotterdam a scohe pa asisti na un di e encuentronan aki cu lo tuma lugar otro siman diamars 18 di april na Den Haag y na luna di mei na Rotterdam.

 

Mescos cu tabata e caso na e encuentronan anterior Minister Yrausquin a tuma tempo pa a sinta papia y scucha loke e studiantenan tin di bisa riba nan bida como studiante. Topiconan cu a keda trata lo bay den un plan di accion pa brinda mas sosten na nos studiantenan. Durante di e encuentro aki algun studiante a bai live via di Facebook pa conta riba nan experencia como studiante na Hulanda y special tocante di e ciudad unda nan ta studia. Nan a duna hopi tips na e muchanan cu ta preparando pa e aña aki bin Hulanda pa sigi un estudio avansa. Un bunita initiativa di e studiantenan mes y esaki sigur lo yuda e muchanan aun mas riba nan preparacionnan pa nan bida como studiante na Hulanda.

 

Den Haag y Delft

E grupo grandi di studiante cu ta studiando na Den Haag y Delft a mustra un interes grandi pa topa cu Minister Plenipotenciario Juan David Yrausquin.

E studiantenan a bisa di ta sumamente contento pa tin e oportunidad aki pa topa cu e mandatario y ta bunita pa mira cu e minister ta pone hopi dedicacion den scucha con nan ta pasando como studiante Arubiano na Hulanda. E studiantenan a tuma nan tempo pa hiba un dialogo constructivo cu e minister pa asina e mandatario por haya mas dato posibel pa haci un analisis di e situacion real cu ta biba bou di e studiantenan. Asina e por bin cu un plan di accion pa segura cu e studiantenan ta termina nan estudio cu exito. Esaki ta un punto cardinal pa Minister Yrausquin den su maneho pa brinda mas sosten na nos studiantenan.

 

Durante di e encuentro aki algun studiante a bai live via Facebook pa conta riba nan experencia como studiante na Hulanda y special tocante di Den Haag Delft, unda nan ta studia. Nan a duna hopi tips na e muchanan cu ta preparando pa e aña aki bin Hulanda pa sigi un estudio avansa. Un bunita initiativa di e studiantenan mes y esaki sigur lo yuda e muchanan aun mas riba nan preparacionnan pa nan bida como studiante na Hulanda. Na final e studiantenan a expresa nan satisfaccion riba e initiativa di e minister pa cu e anochi aki y tambe nan a gradici e mandatario pa e invitacion.

 

Tilburg, Den Bosch, Eindhoven y Breda

Un anochi sumamente informativo, constructivo y ameno. Asina Minister Plenipotenciario Juan David Yrausquin a caulifica su encuentro cu studiantenan na De Goede Herder na Tilburg. E grupo di alrededor di 30 studiante procediente di Den Bosch, Eindhoven, Breda y Tilburg tambe a bisa di a aprecia e oportunidad pa topa y papia cu Minister Yrausquin.

 

Na comienso di e encuentro Minister Yrausquin a bisa di ta contento cu hopi studiante a responde positivo riba su invitacion pa e anochi aki. E mandatario a bisa di a bin na e encuentro aki cu un solo meta y esaki ta pa scucha kico ta biba bou di e studiantenan Arubiano en general, pero e biaha aki particularmente bou di esnan cu ta studia den e region di Brabant.

Den su discurso e minister a elabora riba e posibilidadnan di cuminsa cu un propio negoshi, banda di busca un trabou. Pa duna e aspecto aki mas contenido, Gabriel de Mey, cu ta core stage na e departamento di Union Europeo na Cas di Aruba a tene un introduccion riba e posibilidad di diferente programmanan cu ta existi cu por duna guia na personanan cu kier cuminsa cu nan mesun negoshi. Ta asina cu Union Europeo ta brinda sosten pa stimula entrepeneurship. Minister Yrausquin a tuma tempo pa a pasa na cada mesa y a sinta papia y scucha loke e studiantenan tin di bisa riba nan bida como studiante. Na final e studiantenan a expresa nan satisfaccion riba e initiativa di e minister pa cu e anochi aki y tambe nan a gradici e mandatario pa e invitacion.

Arnhem, Nijmegen y Wageningen

Un grupo grandi di studiante for di Arnhem, Nijmegen y Wageningen tambe a expresa nan aprecio pa por topa y papia cu Minister Plenipotenciario Juan David Yrausquin. Esaki a tuma lugar na Hogeschool van Arnhem en Nijmegen (HAN).

[Video di e bishita]

 

E anochi aki tabata tin un aspecto special na momento cu Cresci-Anne Croes, studiante Voeding en Dietetiek, a duna un splicacion riba e cuminda y con pa come saludabel. Cresci Anne Croes a tene un charla hopi conmovedor na unda ela conta con e mes a bringa sobrepeso y a cuminsa come saludable. Esaki a sirbi como drive pa sigi cu e estudio Voeding en Dietetiek y asina por yuda otro hende pa tene cuenta cu nan cuminda.

 

Manera e la haci anteriormente Minister Yrausquin a tuma tempo pa combersa cu e studiantenan y nan na nan turno a conta di nan bida como studiante. Hopi topico a keda trata di cual Minister Yrausquin lo bay pone nan den un plan di accion pa brinda mas sosten na nos studiantenan.

Banda di e dialogo cu Minister Yrausquin tambe demas staf y personal di Arubahuis a papia cu e studiantenan. Asina e directora di Cas di Aruba Shandra John a elabora na e studiantenan riba e websitenan cu ta existi unda tin vacaturanan na Aruba.

Gabriel de Mey, cu ta core stage na e Departamento Europeo na Cas di Aruba a papia riba e posibilidad di diferente programanan cu ta existi cu por duna guia na personanan cu kier cuminsa cu nan mesun negoshi. Ta asina cu Departamento Europeo ta brinda sosten pa stimula entrepreneurship.

Na final e studiantenan a bay cas satisfecho di por a intercambia cu Minister Yrausquin riba nan preocupacionnan y a gradici’e pa su dedicacion.

 

 


Info | Contact

Pa mas informacion por busca den e alfabet menu riba homepage: [Studia na Hulanda] of por tuma contacto cu: [Kabinet van de Gevolmachtigde Minister van Aruba – Arubahuis]

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw