Studia na Hulanda: Webinars

June 29, 2020

Arubahuis conhuntamente cu Departamento di Enseñansa Aruba (DEA) ta organisa dos online webinars cu informacion pa tur esnan cu ta preparando pa bay studia na Hulanda entrante augustus 2020.


Webinar 1.0 Prep-Smart

E topiconan cu a trata durante e prome webinar ta: Arubalening Nederland 2020, seguro, situacion actual na Hulanda (Covid-19), puntonan di atencion riba e.o. studiefinanciering di DUO, huisvesting y guia y sosten di Arubahuis. E prome webinar a conta cu contribucion di Zorgverzekeringslijn, SVB Nederland y InsureToStudy.

Webinar 1.0 a tuma luga diamars dia 23 di juni 2020. Aki por download e presentacion (pdf):

Aki por wak e webinar bek:



Webinar 2.0 Holland-bound

E topiconan cu lo trata durante e di dos webinar ta: Asuntonan di uitschrijving na Aruba (Censo, AZV), vuelonan organisa, yegada na Hulanda y opvang 2020.

E di dos webinar ta conta cu contribucion di Departamento di Enseñansa Aruba, Onderwijszaken Arubahuis, Discovery Travel, KLM, Aruba Airport, Censo Aruba y AZV.

Webinar 2.0 lo tuma luga diamars dia 30 di juni proximo, di 2:00 pa 3.30 di merdia (ora di Aruba).


Registracion

E webinars aki ta special pa e studiantenan cu ta preparando pa bay studia na Hulanda entrante augustus 2020 y nan mayornan.

Participacion na e webinars ta completamente gratis. Sinembargo ta rekeri pa registra pa participa na cada webinar via di e siguiente links. Bo por registra dibiaha pa ambos webinar.

Webinar 1.0 Prep-Smart

Webinar 2.0 Holland-bound


Studia na Hulanda: Online events

Ademas di e webinars tambe ta organisando algun “Online Q&A” y “Online Meet&Greet”. Aki por haya mas informacion di e demas sesionnan online cu lo bay tuma lugar:



Info / Contact

Pa mas informacion por busca [S] Studia na Hulanda den e alfabet menu riba nos pagina principal.

Tambe por sigui nos via e social media pages (facebook y instagram) di ambos Departamento di Enseñansa Aruba @educationaruba y Onderwijszaken Arubahuis @onderwijszakenarubahuis pa keda up to date cu tur informacion oficial.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw