Studentenhuisvesting Rotterdam

October 27, 2019

Den Haag – Arubahuis ta brinda informacion di vivienda pa studiantenan cu kier bay studia na Rotterdam otro aña.


Studentenhuisvesting Rotterdam

Provincie Zuid-Holland: Rotterdam


Tur aña Arubahuis ta ricibi un cantidad grandi di studiante cu ta bin Hulanda pa sigui cu nan estudio na un nivel mas halto.  Un di e aspectonan crucial den e preparacionan di e  hobennan aki na caminda pa Hulanda ta esun di “buscamento di vivienda”. John Dirks, mentor di Rotterdam y Vlissingen kier a pone enfasis ariba e importancia pa studiantenan cu tin pensa di bay studia na Rotterdam pa cuminsa busca camber na tempo. Na tempo ta for di 3e havo of jaar 2 EPI.

Den e region di Rotterdam tin un scarsedad enorme di camber pa studiante, pues ta esencial pa inscribi bo mes na tempo via e websites di un di e “woningcorporaties”.  Asina bo ta core menos riesgo cu na comienso di bo estudio bo no tin camber cu e consecuencia cu bo no por inscribi na Gemeente, bo no por haya bo BSN-nummer y bo no por sigui regla bo asuntonan cu ta importante pa bo por cuminsa cu e aña escolar.

Dirks ta sigui splica cu studiantenan cu kier bay studia na Rotterdam por registra nan mes na diferente websites. Tin websites special pa studiante cu prijs rasonabel manera:

Tin algun corporacion priva cu tambe ta ofrece camber pa studiante, pero e prijs di huur ta mas halto.

Tambe bo por haña camber via websitenan regular di Rotterdam pero e cambernan no ta barata y mester ta cauteloso cu pagamento di antmano.

Inscribi bo mes na tempo na diferente website y keda controla bo inscripcion regularmente pa asina bo hisa bo chensnan pa haya un camber bon y ’pagabel’ na Rotterdam.


Potret: ROCAS 2019


Contact Mentor

Pa mas informacion of pa cualkier pregunta over di biba y studia na Rotterdam por tuma contacto cu:

Mentor John Dirks

Tel: 0031 6 2846 – 1408

Email: jdirks@ziggo.nl


Info / Contact

Pa mas informacion por busca [S] Studia na Hulanda den e alfabet menu of por tuma contacto cu Kabinet van de Gevolmachtigde Minister van Aruba (Arubahuis)

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw