Studentenhuisvesting Groningen y Leeuwarden

October 25, 2019

Den Haag – Arubahuis ta brinda informacion di vivienda pa studiantenan cu kier bay studia na Groningen, Leeuwarden of Emmen for di 2020 en adelante.


 Provincie Friesland: Leeuwarden
 Provincie Groningen: Groningen


Groningen y Leeuwarden mescos cu otro ciudad na Hulanda, conoce un scarsedad enorme di camber pa studiante, mientras cu interes bou studiantenan pa bin studia na e ciudadnan aki ta hopi grandi. Na Emmen compara cu Groningen y Leeuwarden ta mas facil pa hanja un camber, pero pa Emmen tambe mester inscribi na tempo pa hanja un camber.

Sra. Donna van Heukelem-Kock, mentor di e ciudadnan Groningen, Leeuwarden y Emmen, ta enfatisa e importancia pa studiantenan cu tin pensa di bay studia na Groningen, Leeuwarden y Emmen pa cuminsa busca camber na tempo. Si ta bay studia na Hulanda for di 2020 enadelante mester cuminsa busca vivienda na Hulanda y inscribi cerca diferente instancia for di awor caba, pa asina cuminsa acumula punto. Mas punto tin acumula mas chance tin pa haya camber bon y ‘pagabel’. Ta conseha studiantenan en general pa cuminsa inscribi for di nan voorexamen-klas.

Por haci uso di diferente manera pa yega na un camber na Groningen, Leeuwarden y Emmen.


Ki opcion tin pa Groningen?

1. SSH Stichting StudentenHuisvesting
SSH ta un organisation cu ta huur camber specificamente pa studiantenan cu ta bin for di exterior di Hulanda. Studiantenan por cuminsa registra y inscribi nan mes asina cu nan haci 16 aña. Un persona por registra solamente si e ta biba pafo di Hulanda.
Website: sshxl.nl

2. Kamernet Groningen
Kamernet Groningen tin camber, studio y appartemento. Mas largo un persona ta inscribi, mas hopi punto e ta acumula pa un vivienda.
Website: kamernet.nl/huren/kamer-groningen

3. Lefier
Lefier tin cas y camber specificamente pa studiantenan. Tene bon na cuenta cu mester in-scribi como “kamerzoekende”. Den e caso aki inscripcion cerca Kamernet Groningen no ta necesario pero toch ta recomendabel.
Website: lefier.nl

4. Nijestee
Tur cas/camber/studio di Nijestee ta wordo publica via Kamernet. Den e caso aki inscrip-cion cerca Kamernet Groningen si ta necesario. Mas largo un persona ta inscribi, mas hopi punto ta acumula pa un Vivienda.
Website: nijestee.nl

5. Campus Groningen
Tambe cerca Campus Groningen por busca camber. Mas largo un persona ta inscribi mas previlegio pa haya un bon camber tin.
Website: campusgroningen.com

6. The Village (huis van verhuur)
Huis van verhuur ta verhuur camber riba un compleho cu yama The Villa pa periodo di 1 aña maximo (short stay).
Website: thevillagegroningen.nl

7. CareX Groningen
Carex ta verhuur cas, camber, studio y apartemento pa periodo di 6 luna so (short stay). Nan ta trata di yuda den casonan mas urgente. Por inscribi via nan website.
Website: carex.nl


Ki opcion tin pa Leeuwarden?

1. NHLStenden
Si un studiante ta bai studia na Stenden, por huur un camber pa un aña cu ta situa riba of no mucho leu di nan campus. Pero nan tambe ta exigi cu bo ta inscribi hopi tempran. Den e caso aki e studiante tin cu tene cuenta cu e tin cu muda despues di un aña.
Website: nhlstenden.com

2. Windmillcampus
Windmillcampus ta huur studio den vecindario di e campus di NHLStenden. Pa bin na remarca pa un studio inscripcion ta necesario.
Website: windmillcampus.nl

3. Studenten woningen Leeuwarden
Studenten woningen Leeuwarden ta un website caminda studiantenan cu ta bai studia na Leeuwarden por busca camber.
Website: studentenwoningenleeuwarden.nl


Ki opcion tin pa Emmen?

1. NHLStenden
Si un studiante ta bai studia na Stenden, por huur un camber pa un aña cu ta situa riba of no mucho leu di nan campus. Pero nan tambe ta exigi cu bo ta inscribi hopi tempran. Den e caso aki e studiante tin cu tene cuenta cu e tin cu muda despues di un aña.
Website: nhlstenden.com

2. Kamernet Emmen
Kamernet Emmen tin camber, studio y appartemento. Mas largo un persona ta inscribi, mas hopi punto e ta acumula pa un vivienda.
Website: kamernet.nl/huren/kamer-emmen

3. Domesta
Domesta ta ofrece camber den un compleho pa studiante na Emmen. Cerca Domesta por inscribi asina cu e studiante tin 18 aña. Mas largo un persona ta inscribi, mas chance e tin pa haya un camber.


Fuera di e opcionnan menciona un studiante ta liber pa acerca makelaarnan. Tin diferente make-laar na Groningen, Leeuwarden y Emmen cu ta huur camber/studio na studiantenan. Tene cuenta cu esaki ta un opcion mas caro. Mester paga e makelaar pa su trabao y un borg ta wordo stipula a base di 1 of 2 luna di extra huur. Tambe ta bon pa menciona cu tin makelaar ta exigi por ehempel cu un persona mayor di edad y recidencia na Hulanda para garantia pa e pago di huur.

Mayoria organisacion menciona tin un facebook page. Like nan facebook page pa keda informa di e ultimo desaroyonan.

Por ultimo Donna van Heukelem-Kock ta conseha e studianten cu si ta bai huur un camber prome cu yega Hulanda via makelaar, pa corda lesa e contract hopi bon. Check kico ta wordo palabra, especialmente e debernan y e derechonan. Si tin duda riba e contenido di e contracto busca ayudo huridico. No core firma!


Contact Mentor

Pa mas informacion of pa pregunta relaciona cu Groningen of Leeuwarden por tuma contacto cu:

Mentor Donna van Heukelem-Kock

Mobiel of Whatsapp: +31(0)6 5202 5461

Email: d.kock-mentor@arubahuis.nl

Facebook: @POCGroningen of Leeuwarden


Info / Contact

Pa mas informacion por busca [S] Studia na Hulanda den e alfabet menu of por tuma contacto cu Kabinet van de Gevolmachtigde Minister van Aruba (Arubahuis)

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw