Simposio “Hulandes como idioma stranhero”

November 19, 2020

Dia 24 di november Nederlandse Taalunie ta organisa e simposio online “Hulandes como idioma stranhero” den colaboracion cu partnernan den enseñansa na Corsou, Aruba, Boneiro, Sint Maarten, Sint Eustatius y Saba.

E simposio ta pa tur esnan envolvi den enseñansa di Hulandes riba e islanan aki, o sea maestro- y otro profesionalnan den enseñansa, mayor- y alummnonan.

Meta di e evento aki ta pa laga gruponan pensa y hiba discusionnan tocante e posicion di e idiomanan, specialmente Hulandes, den enseñansa riba e islanan multilingual aki.



Riba e islanan den region di Caribe casi tur hende ta papia y compronde mas cu un idioma, entre otro Hulandes. Sinembargo pa mayoria e no ta idioma materno, pero un idioma stranhero. Na tur scol e ta un dioma obligatorio. Na hopi scol – en particular na Islanan Abou – te hasta e ta idioma di instruccion. E acercamento di Hulandes ainda tin biaha ta esun tradicional di idioma materno. Esaki hopi biaha no ta acopla na loke nos alumnonan tin mester. Pa e motibo aki mas y mas scol ta cambiando pa e acercamento di Hulandes como idioma stranhero (Nederlands als vreemde taal (NVT)), un acercamento comparabel na esun pa e otro idiomanan cu ta siña na scol.


Programa di e simposio

E evento ta cuminsa 3.00 pm cu e workshop “NVT in mijn klas”. E workshop aki ta destina pa maestronan, managernan den enseñansa y desaroyadornan di curiculo.

Di 4.00 pa 6.00 pm ta sigui un sesion publico. Na esaki tur hende cu ta envolvi cu enseñansa di Hulandes ta bonbini, di maestronan y otro profesionalnan den enseñensa te alumno-, mayor- y otro interesadonan.

E enfoke di e simposio ta Hulandes como idioma stranhero den un contexto multilingual. Keynote speaker ta dr. Jim Cummins, profesor di Ontario Institute for Studies in Education, cu e topico: “mother tongue-based multilingual education”.

Banda di e atencion pa NVT tambe lo presenta e concepto Language-Friendly School – scolnan cu ta reconoce y acepta origen cultural di su alumnonan.


Registra

Aki por registra pa participa na e simposio:


NVT netwerk y Kernnetwerk

Kernnetwerk NVT ta parti di Netwerk NVT. Netwerk NVT ta consisti di stakeholdernan den enseñansa di e seis (6) islanan concerni y tin como meta pa comparti conocemento y best practices di NVT. Kernnetwerk NVT ta mas e parti di maneho di e netwerk aki cu ta compromete su mes na un conocemento mas grandi y aplicacion mas amplio di didactica NVT den region di Caribe. E actividadnan ta forma parti di e proyecto Netwerk NVT Carib cu ta ricibi sosten financiero di Ministerio di Enseñansa, Cultura y Ciencia (OCW).

Por haya mas informacion riba e pagina di Facebook di NVT Carib. Tambe por manda e-mail na: nvtcarib@gmail.com.


Info / Contact

Pa mas informacion por busca den e alfabet menu riba nos pagina principal:

Por tuma contacto cu:


Scroll To Top
  • © 2011-2020 Department of Education Aruba (DEA)
  • T +297-528-3400
  • F +297-528-3434
  • info@ea.aw