Search Facebook Instagram Twitter

Scol Saludabel den Parlamento

March 2, 2016

Recientemente e grupo di implementacion (stuurgroep) cu ta guia e proyecto Scol Saludabel den cinco scol piloto, a presenta e metanan y e desaroyo di e proyecto na miembronan di Parlamento di Aruba.


Nutricion no ta e unico aspecto

Hopi biaha ora scucha di Scol Saludabel ta pensa cu e scol no ta bende pastechi mas y ta ofrece cumindanan mas saludabel. Sinembargo nutricion ta solamente un aspecto. Scol Saludabel ta traha riba diferente otro aspecto mas manera entre otro e aspecto psicologico, social, emocional, e aspecto di siguridad, di movecion y deporte.

Di un lista largo di e aspectonan cu un scol por traha na dje, e scolnan mes ta scoge kico nan kier enfoca riba dje.

E base ta di un concepto di Hulanda, pero adapta cu diferente aspectonan di Latino America, Caribe y Norte America. Cu e programa aki scolnan ta haya tambe guia y sosten di diferente instancia.

Na momento cu un studiante of maestro yega scol, e mester sinti su mes safe y saludabel. E pensamento ta cu den un esfera positivo e prestacion academico ta mas miho.

E stuurgroep ta wordo representa pa tres diferente ministerio: Ministerio di Salubridad Publico, Ministerio di Enseñansa y Ministerio di Asuntonan Social.

E intencion ta pa mas scol di Aruba participa na e proyecto aki. Despues di evaluacion cu e scolnan piloto lo traha un adviesnota cu ta duna un analisis di kico tur mester pa por aplica esaki na e otro scolnan na Aruba. E proyecto aki actualmente ta enfoca riba scolnan basico.


Info / Contact

Pa mas informacion por busca den e alfabet menu riba homepage: [G] Gezonde School of  [S] Scol Saludabel.

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets