Reunion entre Minister di Enseñansa di Aruba y Hulanda
Dia 6 di februari Minister di Enseñansa di Aruba sr. dr. Armando Lampe a reuni cu colega Minister di Enseñansa, Cultura y Ciencia di Hulanda, sra. mr. drs. Ingrid van Engelshoven.
Vierlanden Overleg
Durante e encuentro aki e ministernan a trata diferente punto di interes pa nos enseñansa en general y a repasa algun punto cu lo kier trata den e cumbre entre e Ministernan di Enseñansa di Reino, e asina yama “vierlanden overleg”.
Ta trata aki di entre otro fiansa pa studia den region, cooperacion entre e paisnan den reino y un estudio bou studiantenan di Aruba na Hulanda.
Centrale Commissie Stimuleringsfondsen
Durante e reunion aki tambe a formalisa un comision central pa stimula estudio y a stipula e metanan di e fondo aki cu lo mester yuda nos enseñansa Arubano den su totalidad.
E “Centrale Commissie Stimuleringsfondsen” ta consisti di e siguiente miembronan:
- sra. drs. Anne-Marie Proveyer, directora di Departamento di Enseñansa (DEA), Voorzitter;
- sr. drs. Samuel Dumfries, Secretaris;
- sra. drs. Marilyn Richardson, directora di Instituto Pedagogico Arubano (IPA);
- sr. drs. Patrick Arens, director financiero di Universidad di Aruba (UA);
- sr. drs. Peter Auwerda, coördinador di maneho financiero di Ministerio di Enseñansa, Cienca y Desaroyo Sostenibel (OWDO).
Minister Lampe a gradici Minister van Engelshoven pa e Stimuleringsfonds y a gradici e miembronan di e comision pa acepta e encargo. E minister a desea nan tur clase di exito, sperando cu di e forma aki lo por sigui traha hunto na calidad di nos enseñansa.
Info / Contact
Pa mas informacion por busca [M] Ministerio di Enseñansa den e alfabet menu riba homepage of por tuma contacto cu Ministerio di Enseñansa
Scroll To Top
