Search Facebook Instagram Twitter

Renobacion Rosa College por cuminsa

August 5, 2016

Dia 4 di augustus ultimo tabata un dia di alegria y celebracion pa e team di Rosa College ya cu e acto di firmamento a tuma luga pa cu financiamento di renobacion di e edificio unda nan scol basico ta ubica.

E destaho publico pa e proyecto di renobacion aki ya caba a tuma luga. Ta trata aki di un inversion di mas cu cuater miyon florin y cu ta cana via Fondo Desaroyo Aruba (FDA).

Rosa College ta un scol basico cu, manera mayoria scol na Aruba, a wordo construi decadanan pasa y no a ricibi e mantecion adecua y tampoco un renobacion grandi den tur su añanan di existencia.

Minister di Enseñansa Michelle Hooyboer-Winklaar a splica cu e scol tabata den un estado inacceptabel ora el a bishita nan na 2014. E retonan infrastructural tabata grandi; e dak di asbest tabata deteriora y tabatin paloma bibando bou di e dak, entre otro. E team di e scol y e muchanan tabatin hopi molester di e problemanan cu e edificio tabata dunando.

Minister Hooyboer-Winklaar asina a tuma e decision pa muda nan pa e edificio di VAD na L.G. Smith Boulevard. Na e momento cu a tuma e decision aki no tabatin e fondonan disponibel, pero a scoge pa e siguridad y comodidad di e muchanan y nan maestronan. A cuminsa sondea e posibilidadnan pa logra e financiamento, cual a tuma su tempo como cu no tabatin un suma di placa reserva pa proyectonan asina cu no ta planea.

Minister Hooyboer-Winklaar a splica cu tempo cu el a tuma e funcion di titular di enseñansa  tabatin ocho scol cu tabata ubica na otro edificio. E Minister di Enseñansa anterior (Dowers) a sa di renova varios ccol den su period.​

Den e ultimo 3 aña a sigui remedia e situacion, pa medio di entre otro fondonan di FDA, y cu e firmamento di e financiamento pa Rosa College ta keda dos scol mas, esta Colegio Frere Bonifacius y Scol Reina Beatrix cu ta den edificionan temporario falta ainda financiamento pa e renobacion di nan edificionan.

E meta di e mandatario ta pa tin cero (0) scol den edificio temporario, pa logra tin tur mucha y maestronan den edificionan diseña y apto pa tuma y duna les.

 
 

 


Info / Contact

Pa mas informacion por busca den e alfabet menu riba homepage:  [F] Faciliteiten  of [O] Onderhoud Scholen.

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets