Colegio EPI cu registracion digital pa aña escolar 2020-2021
Pa tur candidato cu ta interesa pa drenta den un di e 13 programanan di educacion na e 4 unidadnan, Colegio EPI ta informa cu e proceso di registracion digital ta habri via su website.
Con pa registra
Bay na e website di Colegio EPI epiaruba.com click riba “Studiezoekers” y despues “Aanmelding”.
Aki lo bo haya e formulario standard den PDF cu normalmente un candidato lo mester download, print, yena y entrega personalmente na scol. Sinembargo, pa e temporada aki cu nos ta observando “social distancing” nos a modifica e proceso di tal forma cu lo bo por haci esaki digital. Click riba e link indica den e texto y riba bo pantaya lo habri un formulario digital caminda como candidato bo por yena bo informacion di registracion cual contenido ta mescos cu e formulario normal.
Ora caba di yena e formulario aki online bo lo wordo dirigi na un di dos formulario cu ta pidi pa bo upload un copia di un ID valido (paspoort of cedula) y tambe copia di e pago di registracion di 40 florin. Bo por opta pa scan of saca potret di bo ID valido y e pago di registracion hasi online di 40 florin. Ora bo caba di upload tur dos documento bo ta click “send” y bo registracion ta completa. Colegio EPI lo mandabo un e-mail pa indica cu a ricibi bo registracion den bon forma of no.
Registracion pa aña escolar a habri 1 di april 2020 y lo permanece habri te cu 15 di mei 2020. Dependiendo di e desaroyonan actual di COVID-19 na Aruba pa cu habrimento di scolnan lo informa tur candidato registra tocante con lo organisa y coordina pa asina hasi entrega di diploma, cijferlijst y otro documentonan necesario pa cu e registracion.
Por lo pronto e ta importante pa bo registra lo mas pronto posibel pa asina Colegio EPI sa di bo interes pa cuminsa bo estudio cerca nos pa e aña escolar nobo.
Arubalening pa studia na EPI
Land Aruba ta brinda esnan cu ta bay sigui cu nan estudio na Aruba of den exterior un prestamo pa estudio. E prestamo aki yama Arubalening. Pa studia na Colegio EPI e studiante por bin na remarca pa e producto “Arubalening EPI”. Mas informacion:
Info / Contact
Pa mas informacion por busca [E]ducacion Profesional Intermedio (EPI) den e alfabet menu riba nos pagina principal of por tuma contacto cu Colegio EPI.
Scroll To Top
