Ingles y Spaño


Ingles y Spaño den e programa multilingual

Banda di Papiamento y Hulandes e scol multilingual ta familiarisa e alumno tambe desde scol preparatorio cu Ingles y Spaño. Den cuadro di e tema cu ta trata na e momento ey den klas, e maestro ta ofrece actividad pa Ingles y Spaño. Pa esaki ta haci uzo di hopi material audiovisual, manera CD y DVD di mucha. Seccion Desaroyo di Curiculo a compila un map cu un variedad grandi di sugerencia pa uzo di material audiovisual, mara na un cantidad di tema. Tambe ta duna sugerencia pa e lesnan cu por duna pa asina e alumnonan por elabora loke nan a mira of scucha na Ingles y Spaño. E material aki cu Seccion Desaroyo di Curiculo a compila a haya e nomber “Jump” pa Ingles y “Brinca” pa Spaño.

Den klas 1 e familiarisacion ta sigui den forma tematico. Desde klas 1 e lesnan ta bira mas interactivo y e maestronan ta cuminsa papia e idioma meta durante e les. Esey kiermen cu durante les di Ingles ta papia Ingles y durante les di Spaño ta papia Spaño. Den klas 1 tambe ta sigui haci uzo di material audio-visual pa sostene e lesnan.

Asina e fase di familiarisacion ta sigui te na momento cu den klas 4 e alumnonan cuminsa haya instruccion mas sistematico di Ingles y den klas 5 nan cuminsa haya les mas sistematico di Spaño. Esaki kiermen cu entrante klas 4 pa Ingles y klas 5 pa Spaño, e alumnonan lo siña lesa y skirbi e idiomanan aki tambe y lo bay profundisa nan mes mas den cierto reglanan di gramatica di cada idioma.

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw