Search Facebook Instagram Twitter

Proyecto “Veilige School” reactiva

May 20, 2015

Na aña 2011 a lansa e proyecto “Veilige School” firmando un protocol cu un grupo grandi di stakeholders. Fundacion Maatschappij en Criminlaiteit (FMC) a publica e prome guia pa scolnan avansa na 2012, pero e concepto ta pa tur scol na Aruba.



E grupo di stakeholders cu a firma e protocol di un manera of otro tin di haber cu e comunidad escolar, nos mucha y hobennan. Ta referi aki na Departamento di Enseñansa ArubaDirectivanan di ScolCuerpo PolicialFADATelefon pa HubentudWit Gele KruisFundacion Maatschappij & CriminaliteitMinisterio PublicoFundacion pa Nos Muchanan y mas.

E proyecto “Veilige School” ta cumpli cu e Tratado di Derecho di Mucha, di cual Aruba ta forma parti desde januari 2001. Un scol sigur fisicamente y emocionalmente ta hopi importante den desaroyo di un mucha. Gobierno tin e responsabilidad pa cumpli cu e aspecto aki.

Cada organisacion cu a firma e protocol ta trahando riba e bienestar general di e mucha, sea ta pa duna les, preveni uzo di droga of pa scucha y duna conseho ora di problema.

E proyecto, publica den forma di un guia pa e scolnan, ta describi na cada stakeholder nan responsabilidad, cuminsando cu e prome responsabel pa un mucha cu ta su mayornan.

Un par de ehempel cu por menciona ta: E Directivanan di Scol ta responsabel pa e aspecto fisico y emocional y tambe pa e bienestar di maestro, alumno y staf. Cuerpo Policial ta responsabel pa mantene orden publico den y rond di scol. Den caso aki ta sugeri pa e scol tin bon contacto a base regular cu e barioregisseur di Polis.

Fundacion Maatschappij en Criminlaiteit a publica e prome guia pa scolnan avansa na 2012. E otro guianan pa e demas tipo di enseñansa na Aruba ta den proceso pa wordo publica. Pronto tur scol avansa lo wordo yama pa informa con e guia menciona ta wordo uza y ki tips tin pa tene cuenta cu ne.

Minister di Enseñansa Michelle Hooyboer-Winklaar recientemente a reactiva e proyecto aki y lo cuminsa cu e asina yama Plataforma, caminda e stakeholdernan menciona lo reuni atrobe. Departamento di Enseñansa Aruba, den persona di Chantal Ecury ta e persona encarga cu e proyecto.

E meta principal di e mandatario ta pa uni forsa pa medio di e proyecto Veilige School, tambe den bario hunto cu MisaPolisCentro di BarioTrai Merdia, y tur instancia cu ta traha na bienestar di nos muchanan, cu e solo meta pa mehora e bienestar di e mucha na scol.

E Plataforma ta crea oportunidad pa directivanan di scol y e instancianan concerni por topa y intercambia e “best practices” pa por sigui traha na un miho scol. Tambe Minister Hooyboer-Winklaar a institui e comision cu ta traha riba e guia di conducta cu lo yuda garantisa un ambiente sigur na scol.


Info / Contact

Pa mas informacion por busca [V] Veilige School den e alfabet menu riba homepage of por tuma contacto cu: Departamento di Enseñansa Aruba | Ministerio di Enseñansa

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets