Prome actividadnan di Luna di Enseñansa
Minister di Enseñansa Michelle Hooyboer-Winklaar a anuncia durante un conferencia di prensa cu e aña aki (2016) un biaha mas ta dedica luna di october na Enseñansa.
 |
“E ta un forma pa nos hisa e conscientisacion di e rol importante cu nos enseñansa ta hunga na e desaroyo di nos pais. Tambe e meta ta pa pone luz riba esunnan cu mas ta resalta den e trabou di educador”, asina Minister Hooyboer-Winklaar a duna di conoce.
E eventonan ta cuminsa dialuna dia 3 di october y lo continua te cu fin di luna. E prome evento lo ta un “STEAM (Science, Technology, Engineering, Art & Mathematics) Camp“ di 3 pa 7 di october for di 9or pa 12or na International School of Aruba. E camp ta special pa 60 mucha local entre 9-12 aña. E muchanan cu ta participa ta di scolnan di diferente bario di Aruba (no di ISA). E programa ta conta cu sosten di Maestronan di scolnan local y tambe di ISA. |
Diamars dia 4 di october ta tuma luga “Tablet Café“ entre 9or di mainta pa 12or di merdia na Biblioteca Nacional situa den George Madurostraat.
Dia 5 di october proximo ta Dia Mundial di Maestro, un oportunidad pa reflecciona riba e trabou importante cu ta wordo haci.
Cerando e prome siman di Luna di Enseñansa, diabierna dia 7 di october tin “Storia y mas“ entre 9or di mainta pa 12or di merdia na Neptali Henriquez Park, organisa dor di Fundacion Bon Nochi Drumi Dushi hunto cu studiantenan di Instituto Pedagogico Arubano (IPA).
Cada siman lo organisa un variacion di actividad pa studiante, docente y mayor. Entre otro lo tin diferente workshop pa Maestro, un concierto/documentario special di Levi Silvanie pa mas cu 1000 hoben yama “Superando“, screening di e documentario “He named me Malala” y un charla pa mayor duna pa Tienda di Educacion.
 |
| [download complete Calendar of Events | Education Month 2016] |
Info | Contact
Pa mas informacion por busca den e alfabet menu riba homepage: [L] Luna di Enseñansa of por tuma contacto cu: Departamento di Enseñansa Aruba | Ministerio di Enseñansa
Scroll To Top
