Presupuesto di Enseñansa pa aña 2017

November 16, 2016

Diamars dia 15 di november a tuma luga den Parlamento di Aruba tratamento di e presupuesto di Ministerio di Enseñansa pa aña 2017.

Minister di EnseñansaMichelle Hooyboer-Winklaar a presenta y defende su presupuesto, pa cual el a ricibi un cantidad di pregunta cu el a contesta sea adelanta por escrito of durante e reunion den Parlamento mes. E preguntanan a bay dirigi riba entre otro maneho, plannan pa cu scolnan multilingual y muchanan cu ta keda sinta.

E mandatario a tuma tempo pa contesta cada un di nan. A pone tur cos den contexto cu e aña aki ta bolbe nota un crecemento den e presupuesto di enseñansa. Ta conta cu un “begroting” di mas of menos 275 miyon florin y cu ta representa 20% di henter e presupuesto di Aruba.

Fuente: Directie Financiën

Minister Hooyboer-Winklaar expresa cu esaki ta un suma significante, compara cu tur e gastonan di Gobierno y tambe ta refleha e importancia di enseñansa y e compromiso cu nos tin. El a remarca cu nos enseñansa mester ta di calidad, cu alternativanan pa tur studiante por saca lo maximo for di nan mes y cu tin semper un opcion.

Esey ta rekeri fondonan y nos ta hopi contento cu nos por wak cu tin e basenan disponibel y cu ta na nos pa invirti’e na un manera responsabel y na un manera cu ta pone enfasis riba e studiante, riba e calidad di e enseñansa cu nos kier hiba y sin lubida riba progreso y desaroyo di nos docentenan, asina Minister Hooyboer-Winklaar a expresa.

E maestronan mester ta exitoso y ora nan crece den nan trabou, esey tin un efecto hopi positivo pa nos studiantenan.

Esey ta e enfoke pa e presupuesto aki y nos ta scuchando diferente idea cu ta wordo treci pa dilanti for di parlamento. Nos ta hopi contento cu tin interes y cu tin ideanan cu kier draag-bij, comparti cu nos y nos ta hopi willing pa traha riba tur e ideanan aki, a mandatario a finalisa bisando.

 


Info / Contact

Pa mas informacion por busca den e alfabet menu riba homepage: [M] Ministerio di Enseñansa

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw