Search Facebook Instagram Twitter

Presupuesto di Enseñansa 2016

January 28, 2016

Den preparacion pa tratamento di Presupuesto 2016 den Parlamento di Aruba, Ministerio di Enseñansa cohuntamente cu Directie Financiën a conduci un analisis di presupuesto y resultado di presupuesto pa e cartera di enseñansa.

A constata cu tanto presupuesto y e “realisatie” a aumenta substancialmente den e ultimo 5 aña (2010 – 2015). Cada aña a conose un crecemento na fondonan publico cu ta destina pa enseñansa na Aruba, un total di Afl. 28 miyon den e ultimo 5 aña.

Pa e Presupuesto 2016, e area di enseñansa a conoce presupuesto di al rededor di Afl. 270 miyon, cu ta e presupuesto di mas grandi cu Aruba conoce. Esaki ta conta tambe cu un aumento di Afl. 5,7 miyon.

E area di enseñansa cu conose aumentonan ta den postnan relaciona cu gastonan di personeel, aumento di subsidie, materialnan pa scol, seguridad y expansion di scolnan manera Colegio San Nicolas y Scol Practico pa Ofishi.

Banda di esaki a haci un analisis pa loke ta trata e cantidad di studiante den ensenansa. E analisis aki tawata pa cada directiva di scol, pa mira kico ta e desaroyo di e cantidad di alumno na scolnan di Aruba. Loke a sali afor di e analisis aki ta cu e cantidad di studiantenan a keda hopi stabil durante e ultimo 5 aña, pues e mesun cantidad di studiante durante e ultimo 5 aña.

“E desaroyo aki ta demostra un biaha mas cu enseñansa ta un top prioridad pa nos, no solamente den palabra, pero refleha den e percentahe di nos Presupuesto Nacional cu ta dedica na e area aki. Esaki no kiermen cu tur reto por wordo elimina, pero sigur esaki ta sigui reinforsa nos compromiso pa nos enseñansa. Presupuesto 2016 ta regarda e gastonan di operacion, pero ainda ta keda e reto di inversion cu mester wordo haci pa modernisa tur aspecto di nos enseñansa”, Minister Hooyboer-Winklaar a remarca.

 


Info / Contact

Pa mas informacion por busca den e alfabet menu riba homepage: [M] Ministerio di Enseñansa

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets