Search Facebook Instagram Twitter

Presentacion na BNA di Denis Henriquez su ultimo novela

February 6, 2017

Diaranson venidero autor Denis Henriquez lo ta na biblioteca pa presentacion di su ultimo novela ‘Het sterven van Rebecca Lopez Ikario‘.

Dr. Wim Rutgers lo haci e introduccion y despues autor Denis Henriquez lo conta algo di su bukinan y kico ta su inspiracion pa skirbi. Tambe Denis Henriquez lo elabora riba e relacion di su 4 novelanan na Hulandes den contexto di historia di Aruba di e ultimo cincuenta aña.

Denis Henriquez (’45) ta bon conoci den mundo literario di reino. Algun obra cu por menciona di Denis ta entre otro: Ariba tereno di teatro: ‘Mayan Dalia lo ta mi Dalia‘ (1978), ‘Fenchi a gana premio mayo‘ (1981), ‘The Mad T-party‘ (1983) y ‘E soño di Alica‘ (1988).

Den obranan di poesia un titulo conoci ta: ‘Kas Pabow‘ (1988). Mas recien: ‘Lenga di mi mama‘ y ‘Aruban landscapes‘.  Novelanan cu Denis Henriquez a skirbi ta: ‘Zuidstraat‘ (1992), ‘Delft Blues‘ (1995) y ‘De zomer van Alejandro Bulos‘ (1999) y e ultimo ‘Het sterven van Rebecca Lopez Ikario‘ (2016).

Fecha: 8 di februari, 2017
Orario: 8’or – 10’or di anochi
Luga: Arubiana/Caribiana, Bachstraat 5

Biblioteca Nacional Aruba (BNA) lo aprecia bo(so) presencia hopi y ta haci un yamada na pueblo en general pa forma parti di e anochi aki.

 


Info / Contact

> Biblioteca Nacional Aruba (BNA)

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets