Mobile Makerspace

October 1, 2018

Nos mundo ta cambiando hopi lihe. Tecnologia lo hunga un rol primordial den futuro desaroyo di nos pais. Nos muchanan lo traha trabounan cu no ta exisiti ainda y nos sector laboral lo tin mester di habilidanan nobo. Pa e motibo aki ta trece proyectonan innovativo manera un Mobile Makerspace.


Mobile Makerspace ta un proyecto innovativo y sostenibel y ta encera un bus, ekipa cu e ultimo tecnologianan manera entre otro 3D printers, computers pa coding, Internet-of-Things y robotics.

E intencion ta pa e bus bishita diferente scol, Traimerdia, Biblioteca Nacional y actividadnan rond di nos isla pa brinda e muchanan e oportunidad pa experimenta. Di e manera aki ta prepara hobennan pa trabounan den futuro cu lo ta hopi tecnico.


Esaki ta un proyecto di Gobierno di Aruba den colaboracion cu Biblioteca Nacional, Futura Lab y Metabolic Foundation (conoci como Brenchie’s Lab).

Danki na cooperacion di Minister di Enseñansa dr. Armando Lampe, e soño aki ta bira un realidad. E proyecto ta wordo financia pa 75% cu fondo di Union Europeo y pa 25% cu fondo di Gobierno di Aruba.

 

Fuente: Biblioteca Nacional Aruba, Gobierno di Aruba (Gabinete Wever-Croes)

 


Info / Contact

Pa mas informacion por busca [D] Digitalisacion of [M] Ministerio di Enseñansa den e alfabet menu riba homepage. Tambe por tuma contacto cu Biblioteca Nacional Aruba (BNA)

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw