Ministerio di Enseñansa lo financia Proyecto “anti-Bullying” pa tur scol

November 18, 2015

E proyecto “Veilige Scholen” ta cumpli cu e tratado di Derecho di Mucha, di cual Aruba ta forma parti desde januari 2001. Un scol sigur fisicamente y emocionalmente ta hopi importante den desaroyo di un mucha. Gobierno tin e responsabilidad pa cumpli cu e aspecto aki.



Cada organisacion  esta, Departamento di EnseñansaDirectivanan di Scolnan, Cuerpo PolicialFADATelefon pa HubentudWit Gele KruisFundacion Maatschappij & CriminaliteitMinisterio PublicoFundacion pa Nos Muchanan y mas a firma e acuerdo y protocol cu lo traha den bienestar general di e mucha, sea ta pa duna les,  preveni uzo di droga of pa scucha y duna conseho ora di problema, specialmente na momento cu e ta wordo persigui na scol.

Shamila Bulos, trahado social Telefon pa Hubentud, a splica riba e proyecto piloto implementa na 8 scol cu ta e prevencion di termento na scol, conoci awendia como “anti-Bullying”.

Den aña escolar 2014–2015 a ehecuta e proyecto, cu ta encera 7 sesion na unda tabata duna informacion na e muchanan pa crea consciencia encuanto termento y con pa haci pa resolve e problema aki. E proyecto ta pa enfoca riba henter comunidad y no solamente na scol. Pues no solamente ta conscientisa e docentenan pero tambe e mayornan. Na momento cu un di esunnan envolvi ta nota termento por actua mesora.

A base di 7 ‘handleiding’ pa docente y un descripcion pa mayor a yega na  globalisacion di e punto di enfoke. E muchanan ta haya nan werkboekje cu nan por traha cune. Un proyecto cu a resulta exitoso. CBS a haci un sondeo prome cu a drenta scolnan y a haci un midimento un luna despues y tambe un aña despues di e introduccion.

Den comparacion di e dos encuestanan ya caba a constata e exito di e programa. E programa ta parti di curriculum y cada aña ta wordo ahusta. A describi, cuminsando cu e prome responsabel pa un mucha, cu ta su mayornan. Si e mayor ta bon informa, e ta conta cu adelanto den sociedad.

Minister Michelle Hooyboer a reactiva e proyecto debi na su exito y necesidad y lo financia e proyecto na bienestar di nos muchanan cu e solo meta pa mehora e bienestar di e mucha na scol. E plataforma ta crea oportunidad pa directivanan di scol y e instancianan concerni por topa y intercambia e “best practices” pa por sigui traha na un miho scol. Tambe Minister Hooyboer a institui e comision cu ta traha riba e guia di conducta  cu ta yuda garantisa un ambiente sigur na scol.


Info / Contact

Pa mas informacion por busca [V] Veilige School den e alfabet menu riba homepage of por tuma contacto cu: Departamento di Enseñansa Aruba | Ministerio di Enseñansa

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw