Search Facebook Instagram Twitter

Lunch na Restaurant Aloe di EPB

January 29, 2016

Den cuadro di e lesnan di practica “Koken & Serveren” di seccion Horeca di EPB Oranjestad, studiantenan ta ofrece “3-course-lunch” den nan Restaurant Aloe ubica na Hato.

E lunch aki ta pa duna e studiantenan e oportunidad pa practica tur e tecnicanan cu nan a siña relaciona cu trabou den un restaurant. Bou guia di nan docentenan, e alumnonan mes ta cushina, prepara y sirbi e cuminda na public.

Tur practica ta termina cu un evaluacion di parti di e docentenan y tambe di e publico cu ta asisti na e lunch.

E lunch ta wordo ofreci na publico tur diamars, diaranson y diabierna, entre luna di Oktober 2015 y Maart 2016.

E lunch ta wordo sirbi pa 12:00 di merdia y tin un duracion maximo di un ora y mey. Door cu e ta un situacion di les, mester haci reservacion por lo menos 4 dia prome cu e fecha. Si en caso mester cancela, ta pidi pa por fabor haci esaki por lo menos un dia adelanta.

 

Pa reservacion por yama docent François Maduro of Aart Wittekoek na tel 528-9791 y pidi pa ext. 152 of fax na 582-9789.

Pa solamente 25,00 florin publico por gosa di un tremendo “3-course lunch” cu ta inclui tambe koffie of thee na Restaurant Aloe di EPB Oranjestad.

Menu

Menu Restaurant Aloe EPB Oranjestad 2015-2016

 


Info / Contact

Pa mas informacion por busca den e alfabet menu riba homepage: [E] Educacion Profesional Basico (EPB)

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets