Luna di Enseñansa 2015


Minister di Enseñansa Michelle Hooyboer-Winklaar a anuncia durante un conferencia di prensa cu ta declara luna di october como Luna di Enseñansa na Aruba. E luna completamente dedica na conscientisacion di e importancia di educacion y cada aspecto cu ta traha na mehoracion di e calidad di Enseñansa.

Den cuadro di e Luna di Enseñansa ta organisando un cantidad di actividad durante henter e luna di october cu enfasis riba “Educate the Educators”, ofreciendo informacion valioso na esnan cu ta traha den Enseñansa. Tambe lo ta organisando algun actividad pa mayor y studiante.

E actividadnan di Luna di Enseñansa ta organisa pa medio di colaboracion cu entre otro: Biblioteca Nacional Aruba, Tienda di Educacion, Academy of Fine Arts and Design Aruba, International School Leadership, Conscious Discipline, University of South Carolina, Departamento di Ensenansa Aruba y Ministerio di Ensenansa.

Informacion di Actividad

01.10 Tablet Cafe 60+
Dia 1 di october ta Dia Internacional di Hende Grandi. Pa celebra y honra e miembronan di comunidad di 60+ y den cuadro di Luna di Enseñansa Biblioteca Nacional Aruba ta oganisa Tablet Cafe 60+. Docente di Colegio EPI hunto cu empleadonan di SETAR ta warda bishitantenan di edad 60+ cu tin interes pa e mundo digital of kier haya mas conocemento di esaki, pa un demostracion di Social Media y e diferente tipo di Tablets, features di Ipad, Iphone y laptop.
01.10 Conscious Discipline
130 maestro di scol lo ricibi training tocante Disciplina Consciente, un metodo di desaroyo social-emocional pa mucha, cu ya caba ta wordo uza na diferente scol. E tayernan lo tuma luga di 1 pa 7 di october.
05.10 World Teachers’ Day
Dia 5 di october ta World Teachers’ Day. Rond mundo e trabou di e Maestro di Scol ta wordo reconoci y elogia. “Empowering teachers, building sustainable societies” ta e slogan pa aña 2015 [UNESCO].
13.10 Charla Comunicacion Positivo; Con pa educa mi Yiu
Tienda di Educacion hunto cu Minister di Enseñansa y Famia ta organisa e charla aki special pa mayor y educador cu tin yiu di entre 0 pa 18 aña di edad. E charla lo tuma luga diamars 13 di october di 7 – 9 or di anochi na Biblioteca Nacional na George Madurostraat 13. [flyer di invitacion]
14.10 Congreso Kerndoelen
Maestronan di Scolnan Basico lo participa den un Congreso di Kerndoelen Rekenen & Wiskunde, e standardnan nacional cu a keda introduci e aña escolar aki. E congreso lo tuma luga di 14 pa 22 di october. [Werkdocument Kerndoelen]
15.10 Studying in the USA and Canada
Departamento di Enseñansa hunto cu Ministerio di Enseñansa lo tene un anochi informativo pa esnan cu ta interesa pa Studia na Merca of Canada. Gobierno di Aruba a firma acuerdo cu diferente instituto na Merca y Canada cu ta brinda studiantenan di Aruba e oportunidad pa bin na remarca pa un reduccion substancial di e gastonan di estudio na un di e institutonan aki. Durante e anochi informativo lo elabora esaki. E anochi informativo lo tuma luga diahuebs dia 15 di october di 7 – 9 or di anochi den e auditorium na Colegio EPI. Mas info: [Studia na Merca]
17.10 Quiz Premio Shoco di Biblioteca | Presentacion Tesis Master den Idioma
BNA ta organisa Quiz Premio di Shoco diasabra 17 y diasabra 24 di october di 3or di merdia pa 5or di atardi na Biblioteca Nacional Aruba.

BNA ta organisa Presentacion di Tesis Master den Idioma diamars 20 y diamars 27 di october di 5.30 di atardi pa 7.30 di anochi na Departamento Arubiana di Biblioteca Nacional Aruba.

22.10 Mercado di Lifelong Learning
Departamento di Enseñansa hunto cu Ministerio di Enseñansa ta organisa un mercado informativo di Lifelong Learning y Eduacion pa Adulto diahuebs 22 di october di 7or pa 9 or di anochi na Departamento Arubiana di  Biblioteca Nacional Aruba (BNA). [mas informacion]
26.10 School Leadership Certificate Program
Un total di 30 cabesante di scol lo participa den e School Leadership Certificate Program organisa pa di Ontario Principals’ Council di 26 pa 30 di october.
27.10 Workshop
Dean of College of Education, e instituto cu ta prepara e maestronan na University of South Carolina, lo presenta un workshop pa maestronan di Enseñansa Primario y Secundario dianan 27 y 28 di october.
30.10 Apertura di Festival di Buki pa Mucha 2015
Biblioteca Nacional Aruba ta organisa e di 23 Festival di Buki pa Mucha. Un festival cu ta conta cu participacion di mas cu 50 scol preparatorio, basico y special riba nos isla cu lo ricibi bishita di autor, ilustrador y contador di storia.
30.10 Ceremonia “Appel di Oro”
Un anochi di gala, Appel di Oro, unda 18 reconocemento di Excelencia den Enseñansa lo keda otorga.
Calendar of Events
Download complete Calendar of Events.
“Logicamente, no ta tur cos rond di enseñansa lo por tuma luga den 1 solo luna, pero sigur esaki ta un oportunidad pa conscientisa nos comunidad riba tur aspecto importante pa enrikece cada mucha y adulto cu ta beneficia di educacion riba nos isla”

~ Minister di Enseñansa Michelle Hooyboer-Winklaar

Noticia

2015
05.11.15 Resultado y Ceremonia Appel di Oro 2015
20.10.15 Kerndoelen a keda presenta na docentenan di kleuterschool
19.10.15 Hopi interes pa studia na Merca of Canada
15.10.15 An evening of Lifelong Learning – Un anochi dedica na Educacion Continuo
13.10.15 Graduadonan di estudio Master den Idioma ta presenta nan tesis
09.10.15 Anochi di informacion pa studia na Merca of Canada
05.10.15 World Teachers’ Day 2015
Minister di Enseñansa Michelle Hooyboer-Winklaar ta felicita tur maestro
Maestronan entusiasma cu e programa intensivo “Conscious Discipline”
02.10.15 Maestronan di Scol ta ricibi “Pin di Appel”
01.10.15 Luna di Enseñansa
10.09.15 Minister di Enseñansa ta declara luna di October proximo como Luna di Enseñansa
Ministerio di Enseñansa hunto cu Departamento di Enseñansa ta presenta e proyecto Appel di Oro
Appel di Oro – Premio Nacional di Excelencia den Enseñansa
Info / Contact
Ministerio di Enseñansa
Henter comunidad: alumno, studiante, mayor, coleganan maestro y/of cabesante di scol, ta bonbini pa nomina un persona of proyecto escolar pa Appel di Oro 2015. Pa haci esaki mester download e formulario di aplicacion for di riba e website Enseñansa Aruba | ea.aw. Lesa e preguntanan y describi en corto y mas concreto posibel pakico bo kier nomina e persona of proyecto.
Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw