Ley di functiehuis y structura salarial entrega na Parlamento
Dia 24 di Mei Minister di Enseñansa a firma y entrega e Nota naar Aanleiding van Verslag (NAV) relaciona cu e ley di Functiehuis, finalisando e proceso preparatorio pa tratamento di e ley den Parlamento di Aruba.
Despues cu na aña 2012 e Minister di Enseñansa, Minister Arthur Dowers, a duna encargo pa desaroya un “Functiehuis” y un structura di salario nobo pa e sector di enseñansa na Aruba, e Minister di Enseñansa actual (Hooyboer-Winklaar) a reactiva e proyecto na 2015 dunando encargo pa finalisa e trabounan necesario pa por implementa e “Functiehuis y Salarisstructuur” nobo.
E proceso di implementacion, cual ta uno extenso y complica, ta bou di guia di expertonan externo KPMG y Balance Consultancy.
Diferente stakeholders, manera Directivanan di scolnan subsidia, incluyendo Dienst Publieke Scholen (DPS), Sindicatonan, Departamento Recurso Humano (DRH) y otro instancianan gubernamental, ta envolvi di cerca den e proceso di preparacion y ta yuda pensa constructivamente pa por logra e implementacion di un forma optimal.
Desde momento di inicio di e proceso door di Minister Hooyboer-Winklaar, un Comision di Revision (Stuurgroep) ta supervisa e proceso y ta duna conseho na Minister.
E Comision ta consisti di representantenan di Departmanto Recurso Humano, sindicatonan SIMAR y SEPPA, consehero di e Bureau di Minister di Enseñansa y directora di Directie Onderwijs cu ta fungi como presidente di e Comision.
E tarea di e Comision ta pa conseha Minister ariba e proceso correcto pa implementacion di functiehuis y structura salarial como tambe supervisa e proceso.
Recientemente e Presidente di e Comision a entrega na Minister e Migratieprotocol cu ta conseha Minister pa cu implementacion di e functiehuis y e structura salarial pa sector di enseñansa di Aruba.
E tabata un trayectoria hopi extensivo y intensivo, y awor e ley ta cla pa trata den Parlamento.
Info / Contact
Pa mas informacion por busca den e alfabet menu riba homepage:
Por tuma contacto cu:
Scroll To Top
