Leerplicht y Vakantie
Ley di Enseñansa Obligatorio ta mantene su mes na e dianan di vakantie di scol cu ta stipula pa Departamento di Enseñansa Aruba (cu input di Dienst Inspectie van het Onderwijs, Directivanan di Scol y SIMAR) y cu ta aproba pa Minister di Enseñansa di Aruba.
Carta pa Mayor
Bureau Leerplicht Aruba a formula un carta pa mayor (PA) caminda por haya e dianan oficial di vakantie pa e siguiente aña escolar 2015-2016 como tambe informacion relaciona cu dispensacion.
Vakantie durante dianan di scol no ta permiti
Keda for di scol sin permiso ta ‘absentismo prohibi’. Cu esaki nos kiermen yegamento laat regularmente, spijbel of bay cu vakantie durante periodo di scol.
Pa mas informacion y pa e fechanan di vakantie di scol na Aruba: > Vakantie di Scol
Absentismo di luho
Si un alumno cu ta cay bou di e ley di enseñansa obligatorio falta scol sin permiso prome of despues di un vakantie nos ta yama esaki un absentismo di luho. Si tin alumno ausente sin aviso, e cabesante di scol ta raporta esaki na e Oficina di Enseñansa Obligatorio.
No ta permiti pa ningun alumno bay cu vakantie prome cu vakantie di scol, ni tampoco no ta permiti pa cuminsa scol despues cu scol a cuminsa caba. Lo atende e asunto di absentismo di luho severo pa asina duna e mayornan / cuidadonan, alumnonan y scolnan un mensahe hopi cla.
Segun articulo 9 di e ordenansa di e Ley di Enseñansa Obligatorio (AB 2011 no. 82), mayornan cu frecuentemente of constantemente ta keda sin cumpli cu e orden stipula den articulo 2 inciso 1, por spera un orden di Minister cual ta encera un multa entre Afl. 250,– te cu un maximo di Afl. 2.500,– pa evita violacion of ripiticion di violacion di e Ley.
E ley di enseñansa obligatorio ta na vigor na Aruba. Cu esaki pais Aruba a tuma e obligacion pa garantisa y realisa e derechonan di cada mucha cu ta cay bou di e ley aki.
Mas informacion?
Riba e website Enseñansa Aruba | www.ea.aw por lesa mas tocante Leerplicht. Por haya informacion di entre otro:
-
Absentismo di luho y vakantie;
-
Biahamento cu mucha cu ta cay bou enseñansa obligatorio;
-
Kico ta permiti y kico no ta permiti;
-
Peticion pa haya dispensacion pa motibo di circunstancia di peso (extraordinario);
-
E proceduranan cu mester sigui.
Tambe ta trata diferente pregunta cu regularmente ta bin dilanti den comunidad manera:
-
Ken ta cay bou di enseñansa obligatorio?
-
Ki ora por papia di dispensacion (vrijstelling)?
-
Kico mester haci si kier duna enseñansa na cas?
-
Ken ta controla e enseñansa obligatorio?
-
Ki ora scol ta tuma contacto cu e empleadonan publico di enseñansa obligatorio?
Info / Contact
Pa mas informacion busca [E] Enseñansa obligatorio of [L] Leerplicht den e alfabet menu riba homepage, of tuma contacto cu Bureau Leerplicht.
Scroll To Top
