Leerplicht ta na vigor

February 4, 2013

Minister di Enseñansa mr. drs. Arthur Dowers, hunto cu Inspector General di Enseñansa, John Hessen y ambtenaarnan di LeerplichtGwendolyn Kastablank-Tromp y Julisa Tromp, a anuncia esaki oficialmente dia 4 di februari ultimo durante un conferencia di Prensa.

Despues cu Leerplicht a wordo aproba pa Parlamento di Aruba  y Bureau Leerplicht a bira oficial, Ministerio di Enseñansa y Dienst Inspectie van het Onderwijs ta trahando hunto cu e oficina di Leerplicht pa introduci e ley aki den fase.

Minister Dowers a subraya cu awor tur mucha di 4 pa 16 aña mester bay scol y e responsabilidad pa esaki ta cerca e mayor of esun cu ta reemplasa e mayor, pues e voogd.

E hoben mester bay scol te cu e dia cu e haci 17 aña, pues te e dia cu el a completa su di 16 aña, of te e dia cu el a gradua di un scol secundario.

A cuminsa cu implementacion di e ley den diferente fase, unda cu e cinco ambtenaarnan a bishita gran parti di nos scolnan y a informa e cabesante di e reglanan stipula den e ley. Siguiente a cuminsa e fase unda cu e scolnan mester informa e mayornan di e reglanan aki y mester implementa nan.

Mayornan mester informa e scol ora cu su yiu no por cumpli y atende su lesnan, sea pa malesa of otro motibo. Pa un alumno haya “vrijstelling” di scol pa biaha pa representa Aruba den exterior, biaha pa trato medico of cualkier otro motibo, e persona cu ta responsabel pa e hoben, sea ta su mayor of voogd, mester entrega un peticion pa esaki cerca e cabesante di e scol.

Minister Dowers a pidi tur mayor tuma bon nota di e ley di enseñansa obligatorio y pa cumpli e reglanan, pasobra na final di dia ta na e beneficio di e hoben y su desaroyo exitoso den nos comunidad pa nos hobennan bay scol.

 


Info / Contact

Pa mas informacion busca [E] Enseñansa obligatorio of [L] Leerplicht den e alfabet menu riba homepage, of tuma contacto cu Bureau Leerplicht.

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw