Search Facebook Instagram Twitter

Bureau Leerplicht Aruba ta informa

April 10, 2013

E ley di enseñansa obligatorio a drenta na vigor na Aruba. Cu esaki pais Aruba a tuma e obligacion pa garantisa y realisa e derechonan di cada mucha cu ta cay bou di e ley Arubiano aki.

Kico ta enseñansa obligatorio (leerplicht)?

Esaki ta un di e puntonan di e Tratado di e Derechonan di Mucha. Eyden ta para cu: “tur mucha tin derecho riba enseñansa”. Pasobra e muchanan ta menor di edad, esey ta nifica cu ta nan mayornan y gobierno ta obliga pa percura pa nan bay scol di berdad.

 

Ken ta cay bou enseñansa obligatorio?

Enseñansa obligatorio ta conta solamente pa e hobennan cu ta biba na Aruba. Enseñansa obligatorio ta cuminsa riba e prome dia di scol di e aña escolar den cual e mucha tin por lo menos 4 aña riba 1 di october. Esey ta nifica cu no ta solamente mucha cu tin 4 aña na comienso di aña escolar mester bay scol. Un mucha cu ta haci 4 aña despues di e prome dia escolar pero no mas tarda cu 1 di october ta obliga pa bay scol tambe.
Enseñansa obligatorio ta conta te dia e alumno cumpli 17 aña, of te ora cu e alumno termina un estudio den enseñansa profesional of enseñansa secundario general.

Mi por tene mi yiu un dia na cas?

Un mucha mester bay scol tur dia. Mayornan y cuidadonan ta responsabel pa esaki sosode tambe. Toch esey no ta nifica cu den cierto circunstancia bo no por tene bo yiu na cas, por ehempel: ora cu e mucha tin un malesa of pa motibo personal extraordinario of pa motibo di un acontecimento familiar (manera entiero, accidente).

Unda mester raporta ausencia?

E ausencianan permisibel, e mayor of cuidado di e mucha mes mester raporta na tempo (prome cu 9 or di mainta) na e cabesante di scol.
E cabesante lo pasa e informacion di ausencia, ora esaki ta ripiti cu frecuencia, y e motibo di e ausencia na Bureau Leerplicht Aruba.
E empleadonan publico di enseñansa obligatorio y e scol lo controla si e ausencia di e mucha ta permisibel. Mas informacion tocante ausencia permisibel ta obtenibel cerca e scol.

Mas informacion?

Riba e website Enseñansa Aruba | www.ea.aw por lesa mas tocante Leerplicht. Por haya informacion di entre otro:

Tambe ta trata diferente pregunta cu regularmente ta bin dilanti den comunidad manera:

 


Info / Contact

Pa mas informacion busca [E] Enseñansa obligatorio of [L] Leerplicht den e alfabet menu riba homepage, of tuma contacto cu Bureau Leerplicht.

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets