Kennismaking Mentoren

December 19, 2016

Recientemente Minister Plenipotenciario Juan David Yrausquin durante un reunion na “Arubahuis” (Den Haag) a cera conoci cu e team di mentornan cu ta guia nos studiantenan na Hulanda.

 

E mandatario a cuminsa na felicita e mentornan pa e hecho cu e aña aki un porcentahe grandi di studiantenan a caba nan estudio cu exito. “Mi ta gradici boso, pasobra mi ta convenci cu parti di e exito aki ta debi na e guia cu boso a duna nos studiantenan“, asina sr. Yrausquin a bisa.

Minister Yrausquin a bisa cu awe el a bin pa cera conoci, pero principalmente pa scucha di e mentornan nan experencia cu nos studiantenan. Tambe sr. Yrausquin a añadi cu e ta hopi interesa den tende cual meta por wordo realisa a corto plazo y cual otro metanan por tin pa traha riba dje pa un periodo mas largo.

E mentornan a introduci nan mes. Algun tin ta haciendo e trabou aki ya caba pa 27 aña y hopi di nan ta traha den e tereno di enseñansa. Durante di nan introduccion e mentornan a trece dilanti asuntonan cu nan ta enfrenta den nan guia di nos studiantenan. E mandatario a gradici e mentornan pa nan honestidad y nan preocupacion pa e bienestar di nos studiantenan. Sr. Yrausquin a bisa di a scucha bon loke ta e problemanan y cu esakinan lo tin su atencion.

 


Info | Contact

Pa mas informacion por busca den e alfabet menu riba homepage: [Studia na Hulanda] of por tuma contacto cu: [Kabinet van de Gevolmachtigde Minister van Aruba – Arubahuis]

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw