Search Facebook Instagram Twitter

IPA cu anochi di informacion pa 21+ Toets

October 1, 2019

Instituto Pedagogico Arubano (IPA) ta tene un anochi di informacion tocante e 21+ Toets diaranson awo dia 2 di october.


21+ Toets

Bo kier haci e estudio pa Maestro di Enseñansa Primario durante aña academico 2020-2021 y bo no tin diploma sea di HAVO, VWO of MBO nivel 4 pero bo tin minimo 21 aña? Ata bo chens!

Tur persona cu tin desde 1 di september 2020 minimo 21 aña y cu kier haci un estudio na IPA pero no tin e diploma cu IPA ta exigi, ta bin na remarke pa haci e asina yama 21+ Toets.

E 21+ Toets ta midi si un persona tin e nivel di HAVO y ta conta solamente pa e estudio inicial cu IPA ta ofrece durante aña academico 2020-2021, esta e estudio pa Maestro di Enseñansa Primario.


Anochi di informacion

Diaranson dia 28 di augustus 2019, IPA ta tene un anochi di informacion na unda lo splica kico e 21+ Toets ta encera. Alabes lo elabora riba contenido y trata ehempel di tarea di diferente materia cu ta forma parti di e 21+ Toets.

E anochi di informacion lo ta di 7or pa 9.30 di anochi y lo tuma luga na IPA (Isaac Wagemakerstraat 11, San Nicolas).


Inscripcion

Durante e anochi di informacion lo tin oportunidad pa inscribi pa e 21+ Toets.

Pa por haci esaki mester trece e papel di registro civil (papel di AWG 5,-) y AWG 75,- p’asina cumpli cu e gastonan di inscripcion.

E ultimo fecha pa inscribi pa e 21+Toets ta dia 1 di november 2019. Despues di e fecha aki no por inscribi mas pa aña academico 2020-2021.

Pa mas informacion por tuma contacto cu Studenten Services di IPA na 524 3100 of por bishita e pagina di facebook [Instituto Pedagogico Arubano] of website [ipaaruba.com].



Info / Contact

Pa mas informacion por busca [I] Instituto Pedagogico Arubano (IPA) den e alfabet menu riba homepage of por tuma contacto cu IPA

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets