Inscripcion pa maestro di Enseñansa Primario na IPA

February 7, 2017

Instituto Pedagogico Arubano (IPA) kier informa tur persona cu ta interesa pa haci e estudio pa maestro di enseñansa primario na IPA cu su portanan ta habri pa inscripcion.

E estudio aki ta forma maestro cu ta cualifica pa duna les na mucha di kleuter y of scol basico.

Tur persona cu ta interesa pa bira maestro di enseñansa primario por pasa na Instituto Pedagogico Arubano (IPA).

 

Informacion tocante inscripcion

Documentonan rekeri
  • Papel di Registro Civil (papel di afl. 5)
  • Copia di diploma di sea HAVO, VWO, MBO nivel 4 of IBERO High School (si acaso a gradua caba)
 Orario: 8’or di mainta pa 12’or di merdia y entre 1’or cu 3:30 di atardi
 Gasto:  Afl. 75 (cash)
 Luga:  Studenten Services di Instituto Pedagogico Arubano (IPA), Isaac Wagemakerstraat 11, San Nicolaas

 

E ultimo fecha pa inscribi ta dia 7 di maart 2017 pa motibo di varios test di admision cu e interesado mester cumpli cu ne. Tur persona cu a inscribi lo ricibi un lista di datos importante relaciona cu e test di admision. Despues di e fecha aki no por inscribi mas pa aña academico 2017-2018.

Pa mas informacion por tuma contacto cu Studenten Services na 5243100 of por bishita nos pagina di facebook Instituto Pedagogico Arubano of nos website www.ipaaruba.com.

 


Info / Contact

Pa mas informacion por busca den e alfabet menu riba homepage: [I] Instituto Pedagogico Arubano (IPA) of por tuma contacto cu IPA

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw