Grupo di 173 studiante a yega Hulanda

August 5, 2018

Den Haag – Dia 5 di augustus cu vuelo 765 di KLM un cantidad di 173 studiante di Aruba a yega Hulanda caminda nan ta bay sigui un estudio avansa na nivel HBO of Universidad.

Na Schiphol un delegacion consistiendo di Minister Plenipotenciario Guillfred Besaril, director a.i. di Gabinete di Aruba mr. Glenn Ling, funcionarionan di afdeling Onderwijszaken di Gabinete di Aruba, studiementor y miembronan di e POC (Plaatselijke Opvangcommissie) a ricibi e studiantenan.

Pafo di e sala di yegada e studiantenan a keda ricibi y yama bon bini na Hulanda door di e Minister Plenipotenciario, director a.i. hunto cu coordinador di afdeling Onderwijszaken di Gabinete di Aruba James van der Linde.

Na un forma bon organisa e studiantenan a haya instruccion di personal di Cas di Aruba, mentornan y miembronan di e POC unda nan mester a para den grupo pa warda nan turno pa bay na e bus cu lo hiba nan na nan ciudad di estudio.

Mescos cu tur aña Robby Schouten a haci un reportahe pa su programa Leu foi Cas y tambe RTV7 a haci grabacion.

Dialuna 6 di augustus e studiantenan lo cuminsa cu e programa di “opvang” obligatorio, cual lo dura entre tres dia y un siman. Durante e dianan aki e studiantenan nobo lo haya e guia nesesario den nan ciudad unda pa sigur cuater aña of mas nan lo biba y studia. E prome aña e studiante ta ricibi guia di e studiementor, pero pa e resto di su estudio e ta cay bou di Gabinete di Aruba.

Riba e website di Cas di Aruba [arubahuis.nl] tin un reportahe fotografico extenso di e yegada di e studiantenan.

 


Info / Contact

Pa mas informacion por tuma contacto cu: [Kabinet van de Gevolmachtigde Minister van Aruba – Arubahuis] of via email: students2018@arubahuis.nl.

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw