Firmamento di Samenwerkingsprotocol

November 15, 2019

Dia 12 di november 2019, Minister Enseñansa, Ciencia y Desaroyo Sostenibel di Aruba, dr. Armando Rudy Lampe, a participa den e “Vierlanden Overleg” (4LO) na Hulanda, durante cua a firma un samenwerkingsprotocol nobo.



E 4LO ta un reunion anual entre e Ministerionan (di Enseñansa) di Reino Hulandes: Aruba, Corsou, Sint Maarten y Hulanda. Durante e 4LO ta discuti topiconan actual y di gran importancia pa cada pais, segun necesidad y interes comun. E paisnan ta haci diferente palabracion concreto pa loke ta intercambio di dato y informacion como tambe colaboracion bilateral of conhunto pa loke ta trata proyectonan y iniciativanan cu por beneficia paisnan den Reino.

Durante e 4LO aki tabata presente Minister Plenipotenciario di Sint Maarten sra. J. Wuite, Minister di Enseñansa, Ciencia, Cultura, y Deporte di Corsou, sra. M. Alcala-Walle, Minister di Enseñansa, Cultura y Ciencia di Hulanda, sra. I. Van Engelshoven y Minister Plenipotenciario di Aruba Minister Besaril den nomber di Minister Xiomara Ruiz-Maduro.

Pronto lo publica e documentonan riba nos website ea.aw.


Info / Contact

Pa mas informacion por busca [V] Vierlanden Protocollen den e alfabet menu riba homepage of por tuma contacto cu Ministerio di Enseñansa

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw